തിരുവനന്തപുരം: മതവിദ്യ നന്മയുടെ കൈത്തിരി എന്ന പ്രമേയത്തില്‍ എസ്.കെ.എസ്.എസ്.എഫ് ത്വലബ വിങ് ജില്ല സമിതി സംഘടിപ്പിക്കുന്ന ദ്വൈമാസ കാംപയിനിന് തുടക്കമായി വിവിധ കേന്ദ്രങ്ങളില്‍ വിദ്യാര്‍ഥി മീറ്റ്, കരിയര്‍ ഗൈഡന്‍സ് പ്രോഗ്രാം, രക്ഷകര്‍ത്തൃ മീറ്റ് തുടങ്ങി വിവിധ പരിപാടികളോടെയാണ് കാംപയിന്‍ നടക്കുന്നത്. മേഖല കമ്മിറ്റികള്‍ക്ക് കീഴില്‍ മത വിദ്യാഭ്യാസത്തിന്റെ പ്രസക്തി പരിചയപ്പെടുത്തുന്ന പദ്ധതികളും ഈ കാമ്പയിന്റെ ഭാഗമായി നടക്കുന്നുണ്ട്. കാംപയിനിന്റെ ഭാഗമായി നാളെ തിരുവനന്തപുരം സംഘടിപ്പിക്കുന്നു. മുന്‍കൂട്ടി രജിസ്ട്രര്‍ ചെയ്ത നൂര്‍ വിദ്യാര്‍ഥി വിദ്യാര്‍ഥിനികളാണ് പങ്കെടുക്കുന്നത്. കാമ്പില്‍ രജിസ്ട്രര്‍ ചെയ്യുവാന്‍ 9947688982, 8281088982, 9747315548 എന്നീ നമ്പറുകളില്‍ ബദ്ധപ്പെടുക. തിരുവനന്തപുരം ജില്ല ചെയര്‍മാന്‍ ഷെഫീഖ് മുസ് ലിയാര്‍ ,സംസ്ഥാന സമിതി അംഗം മുഹമ്മദ് ജുറൈജ് കണിയാപുരം, ജില്ല കണ്‍വീനര്‍ അംജദ് ഖാന്‍ പച്ചിറ, ഐമന്‍ സഈദ് വിഴിഞ്ഞം, അല്‍ത്താഫ് ചിറയിന്‍കീഴ് ,ജുബൈര്‍ വള്ളക്കടവ്, ഹാഫിള് ജാബിര്‍, തന്‍സീല്‍ പള്ളിനട, ജാബിര്‍ വെമ്പായം ,മുഹമ്മിദ് ചിറയിന്‍കീഴ് എന്നിവര്‍ അറിയിച്ചു.