ചേര്‍ത്തല: കൃഷിഭവനിലൂടെ നടത്തുന്ന പച്ചത്തേങ്ങ സംഭരണത്തിന് കിലോയ്ക്ക് 37 രൂപയെങ്കിലും വില ഉയര്‍ത്തണമെന്ന് കര്‍ഷക കോണ്‍ഗ്രസ് ജില്ലാ പ്രസിഡന്റ് ജോര്‍ജ്ജ് കാരാച്ചിറ ആവശ്യപ്പെട്ടു. ഇപ്പോള്‍ കൃഷിഭവനുകള്‍ നല്‍കിവരുന്ന പച്ചത്തേങ്ങ സംഭരണ വില തീരെ അപര്യാപ്തമാണെന്നും അദ്ദേഹം പറഞ്ഞു. നാളികേര വിലനിര്‍ണ്ണയകാര്യത്തില്‍ കാര്‍ഷികോല്‍പന്ന വിലനിര്‍ണ്ണയ കമ്മീഷന്റെ ഇടപെടല്‍ ഉണ്ടാകണമെന്നും ഉല്‍പാദനചിലവിന് അനുസൃതമായ വില കര്‍ഷകന് ലഭിക്കാന്‍ ഇടയാക്കണമെന്നും അദ്ദേഹം ആവശ്യപ്പെട്ടു.