തിരുവനന്തപുരം: വിമുക്തഭടന്‍മാരുടെയും ഫാമിലി പെന്‍ഷന്‍കാരുടെയും പെന്‍ഷന്‍ നിശ്ചയിക്കല്‍, വിതരണം എന്നിവ സംബന്ധിച്ച പരാതികള്‍ പരിഹരിക്കുന്നതിന് തിരുവനന്തപുരം ഡിഫന്‍സ് പെന്‍ഷന്‍ ഡിസ്‌ബേഴ്‌സ്‌മെന്റ് ഓഫിസറുടെ നേതൃത്വത്തില്‍ ഈ മാസം 31ന് തിരുവനന്തപുരം ഡി.പി.ഡി.ഓയില്‍ മിനി പെന്‍ഷന്‍ അദാലത്ത് നടക്കും.
തിരുവനന്തപുരം ഡി.പി.ഡി.ഒയുടെ പരിധിയില്‍ വരുന്ന തിരുവനന്തപുരം, കന്യാകുമാരി ജില്ലകളില്‍ നിന്നുള്ള, ഡി.പി.ഡി.ഒ മുഖേനയോ ബാങ്ക് മുഖേനയോ പെന്‍ഷന്‍ വാങ്ങുന്ന പെന്‍ഷന്‍കാര്‍, കുടുംബ പെന്‍ഷര്‍കാര്‍, ആശ്രിത പെന്‍ഷന്‍കാര്‍ എന്നിവര്‍ക്ക് ഈ അവസരം പരാതി പരിഹാരത്തിനായി ഉപയോഗിക്കാം.
പെന്‍ഷന്‍ സംബന്ധിച്ച പരാതികള്‍ അദാലത്ത് ഓഫിസര്‍, ഡി.പി.ഡി.ഒ, തിരുമല, തിരുവനന്തപുരം-6 എന്ന വിലാസത്തില്‍ 2018 ജൂലൈ 20-ന് മുമ്പ് സമര്‍പ്പിക്കേണ്ടതാണ്. നേരിട്ട് ബാങ്കില്‍ നിന്ന് പെന്‍ഷന്‍ വാങ്ങുന്ന വിമുക്തഭടന്‍മാര്‍ ഡിസ്ചാര്‍ജ് ബുക്ക്, ബാങ്കിന്റെ അപ്‌ഡേറ്റ് ചെയ്ത പാസ്ബുക്ക്, മറ്റ് കത്തിടപാടുകള്‍ എന്നിവയുടെ പകര്‍പ്പും അപേക്ഷയോടൊപ്പം സമര്‍പ്പിക്കണം.