കൊല്ലം: കടകളിലും ഹോട്ടല്‍ റസ്റ്ററന്റ്, ജ്വല്ലറികള്‍ ഉള്‍പ്പെടെയുള്ള സ്ഥാപനങ്ങളില്‍ ജോലിക്കു നിയോഗിക്കപ്പെടുന്ന സ്ത്രീകളുടെ സുരക്ഷ ഉറപ്പാക്കുന്നതിനു നിയമം ഭേദഗതി ചെയ്യാനുള്ള സര്‍ക്കാര്‍ തീരുമാനത്തെ സ്വാഗതം ചെയ്ത് ഷോപ്പ്‌സ് ആന്‍ഡ് കോമേഴ്‌സ്യല്‍ എസ്റ്റാബ്ലിഷ്‌മെന്റ് വര്‍ക്കേഴ്‌സ് യൂനിയന്‍ സി.ഐ.ടി.യു കൊല്ലം ജില്ലാ കമ്മിറ്റിയുടെ നേതൃത്വത്തില്‍ തൊഴിലാളികള്‍ കൊല്ലത്തു പ്രകടനം നടത്തി.
കൊല്ലം ചിന്നക്കട പി.ഡബ്ല്യു.ഡി റസ്റ്റ് ഹൗസിനു സമീപത്തു നിന്നാരംഭിച്ച പ്രകടനം ടൗണ്‍ ചുറ്റി പ്രസ് ക്ലബ് മൈതാനിയില്‍ സമാപിച്ചു.
പ്രകടനത്തിനു ജില്ലാ സെക്രട്ടറി പി. സജി, പ്രസിഡന്റ് ജി. ആനന്ദന്‍, ജെ. ഷാജി, എഴുകോണ്‍ സന്തോഷ്, എന്‍. ജഗദീശന്‍, എസ്. ശ്രീലാല്‍, എ. സാബു, എം. നജീബ്, ഡി. ഷൈന്‍ ദേവ്, ജിജി, സുശീല നേതൃത്വം നല്‍കി.