വടകര: ഷാര്‍ജ കെ.എം.സി.സി വടകര മണ്ഡലം കമ്മിറ്റിയുടെ കീഴില്‍ പ്രവര്‍ത്തിക്കുന്ന സാന്ത്വനം ചാരിറ്റബിള്‍ ട്രസ്റ്റിന്റെ ആഭിമുഖ്യത്തില്‍ പ്രമേഹരോഗികള്‍ക്കുള്ള മാസാന്ത സൗജന്യ രക്ത പരിശോധനാ പരിപാടിയും മരുന്നു വിതരണവും പാറക്കല്‍ അബ്ദുല്ല എം.എല്‍.എ ഉദ്ഘാടനം ചെയ്തു. കൈനാട്ടിയിലെ ട്രസ്റ്റ് ഓഫിസില്‍ നടന്ന പരിപാടിയില്‍ കണ്‍വീനര്‍ ടി. ഹാഷിം അധ്യക്ഷനായി. ചോറോട് പഞ്ചായത്ത് പ്രസിഡന്റ് കെ.കെ നളിനി, പുത്തൂര്‍ അസീസ്, കെ.കെ ഹാഷിം, ഒ.എം അസീസ് മാസ്റ്റര്‍, ഷംസുദ്ദീന്‍ വെള്ളികുളങ്ങര, അസീസ് കണ്ണൂക്കര സംസാരിച്ചു. ചീഫ് കോഡിനേറ്റര്‍ പി. ഇസ്മായില്‍ മാസ്റ്റര്‍ സ്വാഗതവും അബ്ദുല്ല അല്‍ഷമല്‍ നന്ദിയും പറഞ്ഞു.