ന്യൂഡല്‍ഹി: രാജ്യത്തെ നാല് മെട്രോ നഗരങ്ങളില്‍ ഡീസല്‍ വിലയില്‍ ഇന്നലെ നേരിയ കുറവ് രേഖപ്പെടുത്തിയപ്പോള്‍ പെട്രോള്‍വില ശനിയാഴ്ചത്തെ വിലയില്‍ തന്നെ സ്ഥിരത നിലനിര്‍ത്തി.
ഡീസല്‍ വിലയില്‍ എട്ട്, ഒന്‍പത് പൈസയുടെ കുറവാണ് ഇന്നലെയുണ്ടായത്. ഡല്‍ഹിയില്‍ ഡീസല്‍വില ലിറ്ററിന് 66.22 രൂപയില്‍ നിന്ന് എട്ടുപൈസയുടെ കുറവിലാണ് വില്‍പന നടത്തിയത്. കൊല്‍ക്കത്തയിലും ലിറ്ററിന് 68 രൂപയായിരുന്നത് എട്ട് പൈസയുടെ കുറവില്‍ 67.92 രൂപയിലായിരുന്നു വില്‍പന.
എന്നാല്‍ മുംബൈ, ചെന്നൈ നഗരങ്ങളില്‍ ഒന്‍പത് പൈസയുടെ കുറവാണ് ഇന്നലെ രേഖപ്പെടുത്തിയത്. മുംബൈയില്‍ ഡീസല്‍ ലിറ്ററിന് 69.36 രൂപയില്‍നിന്ന് ഒന്‍പത് പൈസ കുറഞ്ഞ് 69.27ഉം ചെന്നൈയില്‍ 69.97 രൂപയില്‍ നിന്ന് 69.88 രൂപയുമായി. ആഗോള വിപണിയില്‍ അസംസ്‌കൃത എണ്ണവില ഉയരുന്നതാണ് ഇന്ത്യയിലും ഇന്ധനവിലയില്‍ ചലനം സൃഷ്ടിക്കുന്നതെന്ന് എണ്ണക്കമ്പനികള്‍ പറയുന്നു. അസംസ്‌കൃത എണ്ണ ബാരലിന് 67 ഡോളറായി ഉയര്‍ന്നിട്ടുണ്ട്. എന്നാല്‍ പെട്രോള്‍ വിലയില്‍ മാറ്റമില്ല.