വൈക്കം: അഖിലേന്ത്യാ കിസാന്‍സഭ കോട്ടയം ജില്ലാ സമ്മേളനം ഓഗസ്റ്റ് 13, 14 തീയകളില്‍ വൈക്കത്ത് വച്ചു നടത്തുന്ന സമ്മേളനത്തിന്റെ സംഘാടനസമിതി രൂപീകരണയോഗം ചെത്ത്‌തൊഴിലാളി യൂനിയന്‍ ഓഫിസില്‍ സി.കെ ചിത്രഭാനുവിന്റെ അധ്യക്ഷതയില്‍ കൂടി.
അഖിലേന്ത്യാ കിസാന്‍സഭ സംസ്ഥാന പ്രസിഡന്റ് എ ചാമുണ്ണി സമ്മേളനം ഉദ്ഘാടനം ചെയ്തു.
സ്വാഗതസംഘം രക്ഷാധികാരികളായി ടി.എന്‍ രമേശന്‍, ആര്‍ സുശീലന്‍, സി.എം തങ്കപ്പന്‍, സി.കെ ആശ എം.എല്‍.എ എന്നിവരെയും, പ്രസിഡന്റായി പി സുഗതനെയും, വൈ. പ്രസിഡന്റായി കെ.ജി രാജൂ, കെ അജിത്ത് എക്‌സ് എം.എല്‍.എ, സോമന്‍പിള്ള എന്നിവരെയും, സെക്രട്ടറിയായി കെ.കെ ചന്ദ്രബാബുവിനെയും അസി.സെക്രട്ടറിമാരായി അനി ചള്ളാങ്കല്‍, തപസ്യ പുരുഷോത്തമന്‍, കെ രമേശന്‍ എന്നിവരെയും കെ.ഡി വിശ്വനാഥന്‍, മുന്‍സിപ്പല്‍ ചെയര്‍മാന്‍ എന്‍ അനില്‍ ബിശ്വാസ് എന്നിവരുള്‍പ്പെടെയുള്ള 251 അംഗ സ്വാഗതസംഘം കമ്മറ്റിയെയും തെരഞ്ഞെടുത്തു.