മഞ്ചേരി: ഭാര്യയെ കുത്തിപരുക്കേല്‍പ്പിക്കാന്‍ ശ്രമിച്ച കേസില്‍ ഭര്‍ത്താവ് വെസ്റ്റ് ബംഗാള്‍ സ്വദേശി മുഹമ്മദ് താജ് എന്നയാളെ പൊലിസ് അറസ്റ്റ് ചെയ്തു. ഭാര്യ റോഷന്‍ ബീഗത്തെയാണ് കുത്തിപരുക്കേല്‍പ്പിക്കാന്‍ ശ്രമം നടത്തിയത്. ഇന്നലെ പുലര്‍ച്ചെ അഞ്ചോടെ ഭര്യ ഉറങ്ങികിടക്കുമ്പോഴാണ് സംഭവം.
ചെരിപ്പ് വില്‍പ്പനക്കാരായ ഇവര്‍ 12വര്‍ഷം മുന്‍പാണ് കേരളത്തിലെത്തിയത്. ഈയിടെയായി മഞ്ചേരി പുല്ലാരയിലാണ് താമസം. ഭാര്യയോടു നേരത്തെ ഇയാള്‍ വെറുപ്പു പ്രകടിപ്പിച്ചിരുന്നതായും ഇതിനെ തുടര്‍ന്നാണ് ആക്രമണമെന്നും പൊലിസ് പറഞ്ഞു. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.