കാവനൂര്‍: പഞ്ചായത്തിലെ എളയൂര്‍ മല്‍ജഉല്‍ ഐതാം യതീംഖാനയുടെ നാല്‍പതാം വാര്‍ഷിക ദുആ സമ്മേളനത്തിന് നാളെ തുടക്കമാകും. ദ്വിദിന സമ്മേളനത്തിന് വൈകിട്ട് അഞ്ചിന് കാവനൂര്‍ ഖാസി, തൃപ്പനച്ചി മുഹമ്മദ് മുസ്‌ലിയാര്‍ എന്നിവരുടെ ഖബര്‍ സിയാറത്തോടെ തുടക്കമാകും. ആദ്യ ദിന സമ്മേളനം സയ്യിദ് മാനു തങ്ങള്‍ വെള്ളൂര്‍ ഉദ്ഘാടനം ചെയ്യും. സഈദ് ഫൈസി കൊല്ലം, എം.വി മുഹമ്മദ് ബാഖവി, മുജീബ് ഫൈസി പുല്ലൂര്‍, ഉമര്‍ ദര്‍സി തച്ചണ്ണ തുടങ്ങിയവര്‍ പ്രസംഗിക്കും. തുടര്‍ന്ന് സ്വലാത്ത് മജ്‌ലിസിന് കാവതിക്കുളം ഉസ്താദ് നേതൃത്വം നല്‍കും.ഞായറാഴ്ച്ച രാവിലെ ഒന്‍പതിന് കുടുംബ സന്ദര്‍ശവും വിജ്ഞാന സദസും ആരംഭിക്കും. ഷാജഹാന്‍ റഹ്മാനി കംബ്ലക്കാട്, മജീദ് ഫൈസി കിഴിശ്ശേരി, മൊയ്തീന്‍ കുട്ടി ദാരിമി കാവനൂര്‍ സംസാരിക്കും. വൈകിട്ട് ഏഴിന് സമാപന സമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. ഒ.പി കുഞ്ഞാപ്പു ഹാജി അധ്യക്ഷനാകും. പി.എം.എസ് തങ്ങള്‍ തുവ്വൂര്‍, അഷ്‌റഫ് അഷ്‌റഫി പന്താവൂര്‍, ഇബ്രാഹിം വാഫി വളമംഗലം, കെ.ടി മുഹമ്മദലി മാസ്റ്റര്‍, എം.കെ മാനുഹാജി, പ്രൊഫ.ടി.പി അബൂബക്കര്‍, ഇ.കെ ബീരാന്‍ കുട്ടി മുസ്‌ലിയാര്‍, സൈതലവി മാസ്റ്റര്‍ര്‍ സംസാരിക്കും.