തേഞ്ഞിപ്പലം: മേലെ ചേളാരി അങ്ങാടിയില്‍ കൈതോന്‍ കോംപ്ലക്‌സിലെ എ.ടി.എം കൗïറിനോട് ചേര്‍ന്നു സ്ഥിതിചെയ്യുന്ന ട്രാന്‍സ്‌ഫോര്‍മര്‍ ഭീഷണിയുയര്‍ത്തുന്നു. യാതൊരുവിധ സുരക്ഷാ സംവിധാനങ്ങളുമില്ലാതെ അപകടകരമായ രീതിയിലാണിത് സ്ഥിതിചെയ്യുന്നത്. എ.ടി.എം കൗïറിന് മുന്നിലായതിനാല്‍ 24 മണിക്കൂറും ജനങ്ങള്‍ വന്നുപോകുന്ന സ്ഥലമാണിത്. ക്ലോംപ്ലക്‌സിലെ ആധാരമെഴുത്ത് ഓഫിസുകളിലേക്കടക്കമുള്ള നിരവധി സ്ഥാപനങ്ങളിലേക്ക് ആളുകള്‍ ഇതിനരികിലൂടെ നടന്നുപോകുന്നു. ചേളാരി കെ.എസ്.ഇ.ബിക്ക് കീഴിലാണിതിന്റെ പ്രവര്‍ത്തനം. അപകടാവസ്ഥ കണക്കിലെടുത്ത് ട്രാന്‍സ്‌ഫോമറിന് ചുറ്റും കമ്പിവേലി കെട്ടണമെന്ന് തേഞ്ഞിപ്പലം ഗ്രാമപഞ്ചായത്ത് പത്താംവാര്‍ഡ് അംഗം കെ.എസ്.ഇ.ബി അസിസ്റ്റന്റ് എന്‍ജിനീയര്‍ക്ക് പരാതിനല്‍കിയിരുന്നു.