പരപ്പനങ്ങാടി: ജീവന്‍ പണയം വച്ച് ധീരത തെളിയിച്ച മംഗലശ്ശേരി നിസാമുദ്ദീനെ നാളെ ചെട്ടിപ്പടി പൗരാവലി ആദരിക്കുമെന്ന് സംഘാടക സമിതി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. തിരൂര്‍ പയ്യനങ്ങാടിയില്‍ കിണറില്‍ അകപ്പെട്ട രï് തൊഴിലാളികളെ രക്ഷപ്പെടുത്തിയാണ് നെടുവ അത്താണിയിലെ നിസാം നാടിന്റെ അഭിമാനമായി മാറിയത്.
വൈകിട്ട് നാലിന് നെടുവ അത്താണിയില്‍ നടക്കുന്ന ചടങ്ങില്‍ എം.എല്‍.എമാരായ പി.കെ അബ്ദുറബ്ബ്, സി മമ്മുട്ടി, പി അബ്ദുല്‍ഹമീദ് എന്നിവര്‍ ചേര്‍ന്നാണ് ആദരിക്കുന്നത്. ജനപ്രതിനിധികള്‍, ഉദ്യോഗസ്ഥര്‍ സംബന്ധിക്കും. വാര്‍ത്താസമ്മേളനത്തില്‍ പി.എന്‍ സൈതലവി ഹാജി, ജാഫര്‍ കൊലാക്കല്‍, ഹംസ കളത്തിങ്ങല്‍ പങ്കെടുത്തു.