മന്ദലാംകുന്ന്: ഗവ. ഫിഷറിസ് യു.പി.സ്‌കൂളില്‍ വായനാവാരത്തോടനുബന്ധിച്ച് സംഘടിപ്പിച്ച വൈക്കം മുഹമ്മദ് ബഷീര്‍ അനുസ്മരണവും മാധ്യമ സെമിനാറും മാധ്യമ പ്രവര്‍ത്തകന്‍ എം. റാണ പ്രതാപ് ഉദ്ഘാടനം ചെയ്തു. പി.ടി.എ പ്രസിഡന്റ് വി. സമീര്‍ അധ്യക്ഷനായി.
ഖാസിം സെയ്ദ് മുഖ്യ പ്രഭാഷണം നിര്‍വഹിച്ചു. കമ്മിറ്റിയംഗം അസീസ് മന്ദലാംകുന്ന്, യൂസഫ് തണ്ണിത്തുറക്കല്‍ അധ്യാപകരായ ഇ.പി ഷിബു, എ ആസിയ, ബിന്ദു, പി.എ ഫെബിസംസാരിച്ചു. പ്രധാന അധ്യാപിക പി.ടി. ശാന്ത സ്വാഗതവും അധ്യാപകന്‍ എം.കെ സലീം നന്ദിയും പറഞ്ഞു.

കടപ്പുറം: ഫോക്കസ് സ്‌കൂളില്‍ നവീകരിച്ച സി.എച്ച് മുഹമ്മദ് കോയ സ്മാരക ലൈബ്രറിയുടെ ഉദ്ഘാടനവും വൈക്കം മുഹമ്മദ് ബഷീര്‍ അനുസ്മരണവും സാഹിത്യകാരന്‍ പി.സുരേന്ദ്രന്‍ നിര്‍വഹിച്ചു.
തെക്കര കത്ത് അബ്ദുള്‍ കരീം ഹാജി അധ്യക്ഷനായി. കൈയ്യെഴുത്ത് മാസിക പി.ടി.എ .പ്രസിഡന്റ് പി.വി ഉമ്മര്‍ കുഞ്ഞി പ്രകാശനം ചെയ്തു. ഇ.ജി. ജി ജി, റഹീല, വി.കെ. കുഞ്ഞാലു ഹാജി, എ.കെ. അബ്ദുള്‍ കരീം, സംസാരിച്ചു. കുട്ടികളുടെ സാഹിത്യ മത്സരങ്ങളും ഉണ്ടായിരുന്നു.

കുന്നംകുളം : പന്നിത്തടം ചിറമനേങ്ങാട് കോണ്‍ഗ്രസ് ഇംഗ്ലീഷ് ഹയര്‍ സെക്കന്‍ഡറി സ്‌ക്കൂളില്‍ മലയാളം ക്ലബിന്റെ നേതൃത്വത്തില്‍ വൈക്കം മുഹമ്മദ് ബഷീര്‍ അുസ്മരണം നടത്തി.
ബേപ്പൂര്‍ സുല്‍ത്താന്‍ എന്ന് അറിയപ്പെട്ടിരുന്ന എഴുത്തിന്റെ സുല്‍ത്താനായ അദ്ദേഹത്തിന്റെ ലളിതമായ ഭാഷാ ശൈലിയില്‍ നര്‍മത്തിന്റെ പൂമ്പൊടിച്ചേര്‍ത്ത്് മലയാളിയുടെ നാവില്‍ തുമ്പില്‍ ഭാഷയുടെ മാധുര്യം തൊട്ടുതന്ന അദ്ദേഹത്തിന്റെ ജീവചരിത്രത്തെ കുറിച്ച് സക്കൂളിലെ മലയാളം അധ്യാപിക ജിനി സുമേഷ് പ്രഭാഷണം നടത്തി. പ്രിന്‍സിപ്പാള്‍ ബീനാഉണ്ണി, സ്‌ക്കൂള്‍ മാനേജര്‍ ആര്‍.എം ബഷീര്‍, മലയാളം ക്ലബ്ബ് കോര്‍ഡ്‌നേറ്റര്‍ സിന്ധു സംസാരിച്ചു.

വാടാനപ്പള്ളി : കഥകളുടെ സുല്‍ത്താനായ മലയാള സാഹിത്യത്തിലെ വിഖ്യാത കഥാകാരന്‍ വൈക്കം മുഹമ്മദ് ബഷീറിന്റെ 24ാം ചരമവാര്‍ഷികം ചേറ്റുവ വി.എസ് കേരളീയന്‍ ഗ്രന്ഥശാലയുടെ നേതൃത്വത്തില്‍ ആചരിച്ചു. ഗ്രന്ഥശാല പരിസരത്ത് നടന്ന അനുസ്മരണ സമ്മേളനത്തില്‍ ഡോ. ടി.കെ മമ്മദ് അനുസ്മരണ പ്രഭാഷണം നടത്തി.
ഗ്രാമ പഞ്ചായത്തംഗം ഇര്‍ഷാദ് കെ.ചേറ്റുവ അധ്യക്ഷനായി. എന്‍.കെ ബാഹുലേയന്‍, പി.എസ് സതീശന്‍ അനുസ്മരണം നടത്തി. പി.പി റൗഫ്, എന്‍.ജി പുഷ്പ്പ വേണി, കെ.ആര്‍ രാജേഷ് സംസാരിച്ചു.

കരൂപ്പടന്ന: ഗവ. ഹയര്‍ സെക്കന്‍ഡറി സ്‌കൂളില്‍ ഹൈസ്‌കൂള്‍ വിഭാഗം വൈക്കം മുഹമ്മദ് ബഷീര്‍ അനുസ്മരണം നടത്തി.
അശോകന്‍ ചരുവില്‍ ഉദ്ഘാടനം ചെയ്തു. പി.ടി.എ പ്രസിഡന്റ് ഷൈല സഹീര്‍ അധ്യക്ഷനായി.
എ.കെ മജീദ്, അധ്യാപകരായ ബിന്നി, നിസ, സുഷ സംസാരിച്ചു. സുബിത ബഷീര്‍ കഥ അവതരണവും, ഷഹനാസ്, അദീല എന്നീ വിദ്യാര്‍ഥികള്‍ ബഷീര്‍ വായനയും, ശാമിലും കൂട്ടുകാരും പാത്തുമ്മയുടെ ആടില്‍ നിന്നും ഒരു ഭാഗം നാടകമായും അവതരിപ്പിച്ചു.

പുത്തന്‍ചിറ: കാരുമാത്ര ഗവ: യു.പി സ്‌കൂളും കരൂപ്പടന്ന ഗ്രാമീണ വായനശാലയും സംയുക്തമായി സംഘടിപ്പിച്ച വൈക്കം മുഹമ്മദ് ബഷീര്‍ അനുസ്മരണത്തില്‍ സാഹിത്യകാരന്‍ ഖാദര്‍ പട്ടേപ്പാടം അനുസ്മരണ പ്രഭാഷണം നടത്തി.
എസ്.എം.സി ചെയര്‍മാന്‍ ഷറഫുദ്ദീന്‍, ടി.കെ അധ്യക്ഷനായി. വായനശാല പ്രസിഡന്റ് എം.കെ മജീദ് ഉദ്ഘാടനം ചെയ്തു. എസ്.എം.സി അംഗം കെ.എന്‍ ഉണ്ണി, അധ്യാപികമാരായ നദീറ, ബിന്ദു, മേഘ്‌ന, രജിനി സംസാരിച്ചു.

എരുമപ്പെട്ടി: ചിറമനേങ്ങാട് കോണ്‍കോഡ് ഇംഗ്ലീഷ് മീഡിയം ഹയര്‍ സെക്കന്‍ഡറി സ്‌കൂളില്‍ മലയാളം ക്ലബിന്റെ നേതൃത്വത്തില്‍ വൈക്കം മുഹമ്മദ് ബഷീര്‍ അനുസ്മരണം സംഘടിപ്പിച്ചു.
മുഹമ്മദ് ബഷീറിന്റെ ജീവചരിത്രത്തെക്കുറിച്ച് മലയാളം അധ്യാപിക ജിനി സുമേഷ് പ്രഭാഷണം നടത്തി. പ്രിന്‍സിപ്പാള്‍ ബീന ഉണ്ണി, മാനേജര്‍ ആര്‍.എം ബഷീര്‍, കോഡിനേറ്റര്‍ സിന്ധു സംസാരിച്ചു.