കോഴിക്കോട്: ആലത്തൂരിലെ യു.ഡി.എഫ് സ്ഥാനാര്‍ത്ഥി രമ്യ ഹരിദാസിനെതിരേ അധിക്ഷേപവുമായി എല്‍.ഡി.എഫ് കണ്‍വീനര്‍ വിജയരാഘവന്‍. പി.കെ കുഞ്ഞാലിക്കുട്ടിയുമായി ചേര്‍ത്തു സത്രീവിരുദ്ധമായ പരാമര്‍ശം നടത്തിയ വിജയരാഘവനെതിരേ പ്രതിഷേധം ശക്തമായിരിക്കുകയാണ്.

രമ്യ പി.കെ കുഞ്ഞാലിക്കുട്ടിയെ കാണാന്‍ പോയിരുന്നു. ആ കുട്ടിയുടെ അവസ്ഥ ഇനി എന്താകുമെന്ന് അറിയില്ലെന്നാണ് വിജയരാഘവന്‍ പൊന്നാനിയിലെ തെരഞ്ഞെടുപ്പ് പ്രചാരണ പരിപാടിക്കിടെ പ്രസംഗിച്ചത്.

കോണ്‍ഗ്രസ്, ലീഗ് സ്ഥാനാര്‍ഥികള്‍ പാണക്കാട് തങ്ങളെ കാണാന്‍ നിര നിരയായി വന്നുകൊണ്ടിരിക്കുന്നു. എന്തിനാണ് കെ. മുരളീധരന്‍ അടക്കമുള്ളവര്‍ പ്രചാരണത്തിന് മുന്‍പ് തങ്ങളെ കാണാന്‍ എത്തുന്നതെന്ന് വിജയരാഘവന്‍ പ്രസംഗത്തിനിടെ ചോദിച്ചു.

ആലത്തൂരിലെ യു.ഡി.എഫ് സ്ഥാനാര്‍ഥി തങ്ങളെ തറവാട്ടിലെത്തി കണ്ടു. അതിന് ശേഷം ആ പെണ്‍കുട്ടി പി.കെ കുഞ്ഞാലിക്കുട്ടിയെ വീട്ടില്‍ പോയി കണ്ടു. അതിന് ശേഷം ആ കുട്ടിയുടെ അവസ്ഥ എന്താണെന്ന് അറിയില്ലെന്നുമാണ് വിജയരാഘവന്‍ പറഞ്ഞത്.

വിജയരാഘവനെതിരേ കേസെടുക്കണമെന്ന ആവശ്യം ശക്തമായിരിക്കുകയാണ്.

[playlist type="video" ids="714920"]