പുതുക്കാട്: ദേശീയപാതയില്‍ പുതുക്കാട് കെ.എസ്.ആര്‍.ടി.സി സ്റ്റാന്റിന് സമീപം ഓട്ടോറിക്ഷയും പിക്ക് അപ്പ് വാനും കൂട്ടിയിടിച്ചു ഒരാള്‍ക്കു പരുക്കേറ്റു.
ബുധനാഴ്ച വൈകീട്ടായിരുന്നു അപകടം. സ്റ്റാന്റില്‍ നിന്നും അശ്രദ്ധമായി ദേശീയപാതയിലേക്ക് പ്രവേശിച്ച കെ.എസ്.ആര്‍.ടി.സി ബസ് ആണ് അപകടത്തിനു കാരണമായത്.ബസ് ദേശീയപാതയിലേക്ക് പ്രവേശിക്കുന്നത് കണ്ട ഓട്ടോറിക്ഷ ബ്രേക്കിട്ടതിനെ തുടര്‍ന്ന് പുറകിലായി വന്നിരുന്ന പിക്ക് വാന്‍ ഓട്ടോറിക്ഷയില്‍ ഇടിക്കുകയായിരുന്നു. നിസാര പരുക്കേറ്റ പിക്കപ്പ് വാന്‍ ഡ്രൈവര്‍ പുതുക്കാട് സ്വകാര്യ ആശുപത്രിയില്‍ ചികിത്സ തേടി.