പെരിന്തല്‍മണ്ണ: ഹൈദരാബാദില്‍ നടക്കുന്ന ദേശീയ അïര്‍ 19 ഗേള്‍സ് ഫുട്‌ബോള്‍ ചാമ്പ്യന്‍ഷിപ്പിനുള്ള കേരളാ ടീം സജ്ജമായി. ഹൈദരാബാദിലെ മെഡാക്കില്‍ ഈ മാസം 26 മുതല്‍ 30 വരെയാണ് ചാമ്പ്യന്‍ഷിപ്പ് നടക്കുന്നത്. ടീം അംഗങ്ങള്‍ക്കുള്ള കോച്ചിംങ് ക്യാമ്പ് തുത ഡി.യു.എച്.എസ്.എസില്‍ ആരംഭിച്ചു.
ക്യാമ്പ് 23ന് അവസാനിക്കും. അന്ന് തന്നെ വൈകീട്ട് ശബരി എക്‌സ്പ്രസില്‍ ടീംഅംഗങ്ങള്‍ ഷൊര്‍ണൂരില്‍ നിന്ന് ശെഹദ്രബാദിലേക്ക് യാത്ര തിരിക്കും. തുത ഡി.യു.എച്.എസ്.എസിലെ കായിക അധ്യാപകനായ മുനീര്‍ മാസ്റ്ററാണ് ടീമിന്റെ പരിശീലകന്‍.
മുന്നിയൂര്‍ ഡി.യു.പി.എസ് സ്‌കൂളിലെ ബബിഷ ടീച്ചറാണ് ടീം മാനേജര്‍. ഇ.ആര്‍ രേഷ്മ ടീമിനെ നയിക്കും. ടീം അംഗങ്ങള്‍: എം രേഷ്മ(ഗോള്‍ കീപ്പര്‍), അനീത മനോജ്, അലീന മാത്യു, എ.പി കൃഷണ പ്രിയ, ഹീര എസ് രാജ്, അനുഷ അശോക്, ഫെമിനാരാജ്, ഒ.ആര്‍ അഭിരാമി, പി.ബിന്‍സി, പി അനഘ, കെ.എ അക്ഷര, സൗപര്‍ണിക, കെ ജ്യോതിക, പി.പി ജ്യോതിരാജ്, പി.കെ അപര്‍ണ്ണ, എം ചാന്ദ്‌നി, വി ഉണ്ണിമായ.