കോഴിക്കോട്: കരിപ്പൂര്‍ വിമാനത്താവളത്തില്‍ അനധികൃത സ്വര്‍ണവുമായി യാത്രക്കാരനെ പിടികൂടി. കണ്ണൂര്‍ സ്വദേശി ജിതിനാണ് (28) പിടിയിലായത്.

മിശ്രിത രൂപത്തിലാക്കി അടിവസ്ത്രത്തിനുള്ളില്‍ ഒളിപ്പിച്ച നിലയില്‍ 736 ഗ്രാം സ്വര്‍ണമാണ് ഇയാളില്‍ നിന്നും പിടിച്ചെടുത്തത്. റാസല്‍ഖൈമയില്‍നിന്ന് സ്‌പൈസ് ജെറ്റ് വിമാനത്തിലാണ് ജിതിന്‍ എത്തിയത്.

ഇന്നലെ കരിപ്പൂരില്‍ എത്തിയ രണ്ട് ചാര്‍ട്ടേഡ് വിമാനങ്ങളിലെ നാലു യാത്രക്കാരില്‍ നിന്നായി രണ്ടു കിലോ സ്വര്‍ണം പിടികൂടിയിരുന്നു.