മലപ്പുറം: പുലാമന്തോള്‍ വളപുരത്തുനിന്നു കരിപ്പൂര്‍ വിമാനത്താവളത്തിലേക്കു യാത്രയയപ്പിനു പോയ വാഹനം അപകടത്തില്‍പെട്ടു നാലു പേര്‍ക്കു പരുക്കേറ്റു.
കഴിഞ്ഞ ദിവസം പുലര്‍ച്ചെ രണ്ടോടെ മലപ്പുറം മുട്ടിപ്പടിയില്‍വച്ച് ഇവര്‍ സഞ്ചരിച്ചിരുന്ന കാറില്‍ എതിരേവന്ന കാര്‍ ഇടിക്കുകയായിരുന്നു.
വളപുരം സ്വദേശി പുഴക്കല്‍ സൈതലവിയുടെ ഭാര്യ സഫിയ (40), മകള്‍ ഷഹിമ (15), ഇവരെ യാത്രയാക്കാന്‍ പോയ വളപുരം കൂട്ടപ്പുലാവില്‍ മുഹമ്മദലി (37), കുരുവമ്പലം വേപ്പില്‍തൊടി ഉസ്മാന്‍ (36) എന്നിവര്‍ക്കാണ് പരുക്കേറ്റത്.
നാലുപേരെയും മലപ്പുറത്തു സ്വകാര്യ ആശുപത്രിയില്‍ പ്രവേശിപ്പിച്ചു.