മഞ്ചേരി: രൂക്ഷമായ കുടിവെള്ള ക്ഷാമം പരിഹരിക്കുന്നതില്‍ സര്‍ക്കാര്‍ പരാജയമായിരിക്കുകയാണന്ന് ആര്യാടന്‍ മുഹമ്മദ് . മഞ്ചേരിയില്‍ കേരളാ വാട്ടര്‍ അതോറിറ്റി സ്റ്റാഫ് അസോസിയേഷന്‍ ജില്ലാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ചീക്കോട് കുടിവെള്ള പദ്ധതിയിലുള്‍പ്പെട്ട ഏഴു പഞ്ചായത്തുകളിലെ കുടിവെള്ള വിതരണം തദ്ദേശ സ്ഥാപനങ്ങളെ ഏല്‍പിക്കാനുള്ള നീക്കത്തിലൂടെ ജല അതോറിറ്റിയെ ഇല്ലാതാക്കാനുള്ള നീക്കമാണ് നടത്തുന്നതെന്നു സമ്മേളനം വിലയിരുത്തി. ജില്ലാ സെക്രട്ടറി എം. മമ്മു അധ്യക്ഷനായി. ഡി.സിസി വൈസ്പ്രസിഡന്റ് വീക്ഷണം മുഹമ്മദ്, അസീസ് ചീരാന്‍തൊടി, പറമ്പന്‍ റഷീദ്, മുനിസിപ്പല്‍ വൈസ് ചെയര്‍മാന്‍ വി.പി ഫിറോസ്, വി. അബ്ദുല്‍ ബഷീര്‍ സംസാരിച്ചു.