റിയാദ്: റിയാദ് കൊണ്ടോട്ടി മണ്ഡലം കെ.എം.സി.സി, പഞ്ചായത്ത് കമ്മിറ്റികളുടെ നേതൃത്വത്തിൽ റമളാനിൽ സ്വരൂപിച്ച മൂന്ന് ലക്ഷം രൂപ കൈമാറി. കൊണ്ടോട്ടി ശിഹാബ് തങ്ങൾ ചാരിറ്റബിൾ ഡയാലിസിസ് സെൻററിൽ നടന്ന ലളിതമായ ചടങ്ങിൽ റിയാദ് കൊണ്ടോട്ടി മണ്ഡലം കെ.എം.സി.സി ജന: സെക്രട്ടറി ബഷീർ സിയാംകണ്ടം ഡയാലിസിസ് സെൻ്റർ ചെയർമാൻ ജബ്ബാർ ഹാജിക്കാണ് തുക കൈമാറിയത്.

      കെ.എം.സി.സി. നേതാക്കളായ കെ.സി.ഗഫൂർ, അഷ്റഫ് ഊർക്കടവ്, അസ്കർ വാഴയൂർ, കെ.പി.സൈതലവി, റാഫി പൊന്നാട് തുടങ്ങിയവർ പങ്കെടുത്തു. ചടങ്ങിൽ മണ്ഡലം മുസ്‌ലിം ലീഗ് നേതാക്കളായ അഷ്റഫ് മടാൻ, ഷൗക്കത്തലി ഹാജി എന്നിവരും കുഞ്ഞീതു ഹാജി പൂക്കോട്ടൂർ, അഹമ്മദ് സാജു കൊട്ടപ്പുറം, കബീർ മുതുപറമ്പ് തുടങ്ങിയവരും സന്നിഹിതരായിരുന്നു.