ഭോപ്പാല്‍: പാര്‍ട്ടി ആസ്ഥാനത്തെ പരിപാടിക്കിടെ ബി.ജെ.പി എം.പി പ്രജ്ഞാ സിങ് ഠാക്കൂര്‍ തലകറങ്ങി വീണു. ഭോപാലില്‍ ശ്യാമപ്രസാദ് മുഖര്‍ജി അനുസ്മരണ പരിപാടിക്കിടെയാണ് പ്രഞ്ജ തലകറങ്ങി വീണത്. പ്രാഥമിക ചികിത്സയ്ക്കു ശേഷം പ്രജ്ഞയെ ആശുപത്രിയിലേക്ക് മാറ്റി.

കാഴ്ച നഷ്ടമായതുള്‍പ്പെടെയുള്ള തന്റെ എല്ലാ ആരോഗ്യപ്രശ്‌നങ്ങള്‍ക്കും കാരണം കോണ്‍ഗ്രസ് ഭരണത്തിലേറ്റ പീഡനങ്ങളാണെന്ന് പ്രജ്ഞ കഴിഞ്ഞ ദിവസം ആരോപിച്ചിരുന്നു. കൊവിഡ് മഹാമാരിയും ലോക്ക്ഡൗണും കാരണം ജനങ്ങള്‍ ബുദ്ധിമുട്ടുമ്പോള്‍ പ്രജ്ഞാസിങിനെ കാണാനില്ലെന്ന് മണ്ഡലത്തിലുടനീളം പോസ്റ്ററുകള്‍ പ്രത്യക്ഷപ്പെട്ടിരുന്നു.