ബെര്‍ലിന്‍: റഷ്യയിലെ ഏറ്റവും സമ്പന്നയായ വനിത നതാലിയ ഫലേവ ജര്‍മനിയില്‍ വിമാനാപകടത്തില്‍ കൊല്ലപ്പെട്ടു. റഷ്യന്‍ സ്വകാര്യ വിമാന കമ്പനിയായ എസ്- 7ന്റെ സഹ ഉടമ കൂടിയാണ് നതാലിയ ഫലേവ. ഞാറാഴ്ചയാണ് അപകടമുണ്ടായത്. അപകടത്തില്‍ മറ്റു രണ്ട് പേര്‍ കൊല്ലപ്പെട്ടതായും പൊലിസ് പറഞ്ഞു.
ആറ് പേര്‍ക്ക് യാത്ര ചെയ്യാവുന്ന ഒറ്റ എന്‍ജിന്‍ വിമാനമാണ് അപകടത്തില്‍പെട്ടത്. ഫ്രാന്‍സില്‍നിന്ന് ജര്‍മനിയിലെ ഏഗല്‍സ്ബാക്കിലേക്കുള്ള യാത്രക്കിടെയാണ് വിമാനം തകര്‍ന്നു വീണത്. അപകടകാരണം വ്യക്തമല്ല.