ശ്രീനഗര്‍: കശ്മിരിലെ ഷോപ്പിയാനില്‍ വ്യാഴാഴ്ച രാത്രി തീവ്രവാദികള്‍ തട്ടിക്കൊണ്ടു പോയ പൊലിസുകാരനെ കൊല്ലപ്പെട്ട നിലയില്‍ കണ്ടെത്തി. കശ്മിര്‍ പൊലിസിലെ ജാവേദ് അഹമദാണ് കൊല്ലപ്പെട്ടത്. ദേഹത്ത് വെടിയുണ്ടകളുമായി ഇന്നലെ രാവിലെ ഷോപ്പിയാനിലെ ദംഗാമിലാണ് ഇദ്ദേഹത്തിന്റെ മൃതദേഹം കണ്ടെത്തിയത്. വേഹിലിന് അടുത്തുള്ള വീട്ടിനടുത്തു വച്ചാണ ് ജാവേദ് അഹമ്മദിനെ ആയുധധാരികളായ ഒരു സംഘം തട്ടിക്കൊണ്ടുപോയത്. 

നാല് പേരടങ്ങിയ സംഘമാണ് ഇയാളെ തട്ടിക്കൊണ്ടുപോയതെന്നാണ് ഔദ്യോഗിക വൃത്തങ്ങള്‍ നല്‍കുന്ന വിശദീകരണം. മരുന്നു വാങ്ങാന്‍ വേണ്ടി പുറത്തിറങ്ങിയതായിരുന്നു ഇദ്ദേഹം.
എസ്.എസ്. പി ശൈലേന്ദ്ര മിശ്രയുടെ സുരക്ഷാ ഓഫിസറാണ് കൊല്ലപ്പെട്ട ജാവേദ്.അടുത്തിടെ പുല്‍വാമയില്‍നിന്നും തട്ടിക്കൊണ്ടുപോയ ഔറംഗസീബ് എന്ന സൈനികനെ ഭീകരരര്‍ കൊലപ്പെടുത്തിയിരുന്നു.