കേളകം: വളയംചാലില്‍ പതിമൂന്ന്കാരിയെ പീഡിപ്പിക്കാന്‍ ശ്രമിച്ച 55കാരനെ റിമാന്‍ഡ് ചെയ്തു. കിഴക്കേപ്പുര ബേബിയാണ് റിമാന്‍ഡിലായത്. കേളകം എസ്.ഐ വി.ടി പ്രദീഷാണ് പ്രതിയെ അറസ്റ്റ് ചെയ്തത്. പെണ്‍കുട്ടിയുടെ വീട്ടില്‍ മാറ്റാരുമില്ലാതിരുന്ന സമയത്ത് പെണ്‍കുട്ടിയുടെ സഹോദരന്റെ ഫോണ്‍ നമ്പര്‍ ചോദിച്ചെത്തിയ പ്രതി ഫോണ്‍ നമ്പര്‍ കുറിച്ച് പ്രതിയുടെ വീട്ടിലേക്ക് വരുവാന്‍ പെണ്‍കുട്ടിയോട് ആവശ്യപ്പെടുകയായിരുന്നു. വീട്ടിലെത്തിയ പെണ്‍കുട്ടിയെ ബേബി കടന്ന് പിടിച്ചതോടെ ഓടി രക്ഷപെട്ട പെണ്‍കുട്ടി സമീപ വീട്ടിലെ മറ്റൊരു സ്ത്രീയോട് വിവരം പറയുകയായിരുന്നു. വിവരം കേളകം പൊലിസിന് കൈമാറിയതോടെ പ്രതിയെ കസ്റ്റഡിയിലെടുക്കുകയായിരുന്നു.