തിരുവനന്തപുരം: സി-ആപ്റ്റ് മാനേജിങ് ഡയരക്ടറും എല്‍.ബി.എസ് വനിതാ എന്‍ജിനീയറിങ് കോളജ് പ്രിന്‍സിപ്പലുമായ ഡോ. എം. അബ്ദുറഹ്മാനെ എല്‍.ബി.എസ് ഡയരക്ടറായി നിയമിച്ചു. കേരള സാങ്കേതിക സര്‍വകലാശാലയുടെ പ്രഥമ പ്രൊ. വൈസ് ചാന്‍സലറായും കേന്ദ്ര മാനവവിഭവശേഷി മന്ത്രാലയത്തിനു കീഴില്‍ എ.ഐ.സി.ടി.ഇ ഡയരക്ടറായും സേവനമനുഷ്ഠിച്ചിട്ടുണ്ട്.
ഇപ്പോള്‍ സെന്റര്‍ ഫോര്‍ ഡിസേബിലിറ്റീസ് സ്റ്റഡീസിന്റെ ഡയരക്ടറുടെ അധിക ചുമതലയും വഹിക്കുന്നുണ്ട്. കാസര്‍കോട് സ്വദേശിയായ റഹ്മാന്‍ ഹയര്‍ സെക്കന്‍ഡറി ഡയരക്ടറായും സേവനമനുഷ്ഠിച്ചിട്ടുണ്ട്. കേന്ദ്ര വാര്‍ത്താവിതരണ വകുപ്പില്‍ പി.ഐ.ബിയുടെ തിരുവനന്തപുരം ഡയരക്ടറായ ഡോ. നീതു സോണ ഭാര്യയാണ്. മകള്‍: മറിയം സോണ.