ഫറോക്ക്: അറിവിന്റെ ആഴം കണ്ടെത്തി എല്ലാ എല്ലാ വിഷയങ്ങളിലും അഗാധ വിജ്ഞാനം കരസ്ഥമാക്കുന്ന പണ്ഡിതന്മാരെ വാര്‍ത്തെടുക്കാന്‍ സാധിക്കുക പള്ളി ദര്‍സി ലൂടെയാണെന്ന് സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍ പറഞ്ഞു. മണ്ണൂര്‍ വടക്കുമ്പാട് ജുമാഅത്ത് പള്ളിയില്‍ നടന്നുവരുന്ന ദാറുല്‍ ഹിദായ നാലാം വാര്‍ഷിക ആഘോഷ പരിപാടികളുടെ സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
മുജീബ് റഹ്മാന്‍ ഫൈസി അധ്യക്ഷനായി. റഹ്മത്തുള്ള ഖാസിമി മൂത്തേടം മുഖ്യപ്രഭാഷണം നടത്തി. പി ഹസൈനാര്‍ ഫൈസി, അന്‍വര്‍ കമാലി ഫൈസി, കെ.ബി.കെ ദാരിമി കുട്ടശേരി, അബ്ദുല്‍ അസീസ് ദാരിമി ചെറൂപ്പ, ഷറഫുദ്ദീന്‍ വാഫി, പി.കെ അബ്ദുല്ലത്തീഫ് ഫൈസി, സുഹൈല്‍ വാഫി, ടി.പി അലി അസ്‌കര്‍ മുസ്‌ലിയാര്‍, കെ. ഹുസൈന്‍ ഹാജി, പി.കെ ചേക്കുട്ടി ഹാജി,അഹ്മദ് വാഫി കക്കാട്, സി.പി സുഹൈല്‍, പി.എ അര്‍ഷാദ്, എന്‍.വി അനസ്, കെ.ടി മുഹ്‌സിന്‍ മുസ്‌ലിയാര്‍ സംബന്ധിച്ചു.