കല്‍പ്പറ്റ: സമസ്ത കേരള ജംഇയ്യത്തുല്‍ ഉലമ ജില്ലാ കമ്മിറ്റിയുടെ ആഭിമുഖ്യത്തില്‍ ഏപ്രില്‍ 16ന് രാവിലെ ഒന്‍പത് മുതല്‍ വൈകിട്ട് നാല് വരെ ഏകദിന ഹജ്ജ് പഠന ക്ലാസ് കല്‍പ്പറ്റ സമസ്ത കാര്യാലയത്തില്‍ നടത്താന്‍ ജില്ലാ മുശാവറ യോഗം തീരുമാനിച്ചു. യോഗത്തില്‍ കെ.ടി ഹംസ മുസ്്‌ലിയാര്‍ അധ്യക്ഷനായി. എം. ഹസന്‍ മുസ്‌ലിയാര്‍ പ്രാര്‍ഥന നടത്തി. വി. മൂസക്കോയ മുസ്‌ലിയാര്‍ ഉദ്ഘാടനം ചെയ്തു.  എ.കെ ഇബ്രാഹീം ഫൈസി, പി. ഇബ്രാഹീം ദാരിമി, കാഞ്ഞായി മമ്മുട്ടി മുസ്്‌ലിയാര്‍, ഇസ്്മായില്‍ ദാരിമി, ഇബ്‌റാഹീം ഫൈസി പേരാല്‍, കെ.വി ജഅ്ഫര്‍ ഹൈതമി, സി.കെ അബ്ദുല്‍ മജീദ് ദാരിമി, ടി.എം നിസാര്‍ ദാരിമി സംസാരിച്ചു. സ്വാദിഖ് ഫൈസി, സി.എച്ച് അബൂബക്കര്‍ മുസ്്‌ലിയാര്‍, പി. അബ്ദുല്‍ മജീദ് ദാരിമി, കെ. മുസ്തഫ ദാരിമി, അബ്ദുല്ല ബാഖവി, അബ്ദുറഹ്്മാന്‍ ഫൈസി, അഷ്‌റഫ് ഫൈസി, ഹംസ ഫൈസി റിപ്പണ്‍, പി.കെ അഷ്‌റഫ് ദാരിമി, വി.കെ അബ്ദുറഹ്്മാന്‍ ദാരിമി സംബന്ധിച്ചു. എസ്. മുഹമ്മദ് ദാരിമി സ്വാഗതം പറഞ്ഞു. ജില്ലയില്‍ നിന്ന് ഈ വര്‍ഷം സര്‍ക്കാര്‍, പ്രൈവറ്റ് ഗ്രൂപ്പുകള്‍ വഴി ഹജ്ജ് കര്‍മങ്ങള്‍ക്ക് പുറപ്പെടുന്നവര്‍ക്കായാണ് ക്ലാസ് സംഘടിപ്പിക്കുന്നത്.