മനാമ: ബഹ്‌റൈന്‍ പ്രധാനമന്ത്രി പ്രിന്‍സ് ഖലീഫ ബിന്‍ സല്‍മാന്‍ ആല്‍ ഖലീഫക്കുള്ള അറബ് ലീഗ് പുരസ്‌കാരം അറബ് ലീഗ് സെക്രട്ടറി ജനറല്‍ അഹ്മദ് അബുല്‍ ഗൈതില്‍ നിന്ന് ബഹ്‌റൈന്‍ ഉപപ്രധാനമന്ത്രി ശൈഖ് അലി ബിന്‍ ഖലീഫ ആല്‍ ഖലീഫ ഏറ്റുവാങ്ങി.

കെയ്‌റോവിലെ അറബ് ലീഗ് ആസ്ഥാനത്ത് നടന്ന ചടങ്ങലില്‍ വിവിധ അറബ് രാജ്യനേതാക്കളും മന്ത്രിമാരും നയതന്ത്ര പ്രമുഖരുടെയും സാന്നിധ്യത്തിലാണ് പുരസ്‌കാര ദാനം നടന്നത്.

വികസന മേഖലയില്‍ മികച്ച പ്രവര്‍ത്തനം കാഴ്ചവച്ചതിനാണ് പ്രധാനമായും ബഹ്‌റൈന്‍ പ്രധാനമന്ത്രിക്ക് പുരസ്‌കാരം ലഭിച്ചത്. കൂടാതെ ജി.സി.സി രാഷ്ട്രങ്ങളോടൊപ്പം നില്‍ക്കാനും നിര്‍മാണാത്മക പ്രവര്‍ത്തനങ്ങളില്‍ പങ്കാളികളാകാനും ബഹ്‌റൈന് കഴിഞ്ഞതായി അവാര്‍ഡ് നിര്‍ണ്ണയ കമ്മറ്റി വിലയിരുത്തി.

ബഹ്‌റൈന്‍ പ്രധാനമന്ത്രിക്കു പകരമായി പുരസ്‌കാരം ഏറ്റു വാങ്ങിയ ഉപ പ്രധാനമന്ത്രി, ഇത് ബഹ്‌റൈന്‍ ജനതക്കു മുഴുവനുമുള്ള അംഗീകാരമാണെന്നും ബഹ്‌റൈന്‍ ജനതയുടെ പൂര്‍ണ്ണ സഹകരണമാണ് ഈ പുരസ്‌കാരലബ്ധിക്ക് കാരണമായതെന്നും അദ്ധേഹം അഭിപ്രായപ്പെട്ടു.

ബഹ്‌െൈറന്റ പുരോഗതിക്കായി പ്രധാനമന്ത്രി ഇതു വരെ നടത്തിയ പ്രവര്‍ത്തനങ്ങളെല്ലാം അന്താരാഷ്ട്ര തലങ്ങളിലും ശ്രദ്ധേയമാണ്. അറബ് രാജ്യങ്ങളെ ഏകീകരിക്കുന്നതിനും മേഖലക്ക് നേരെയുള്ള ഭീഷണികള്‍ പ്രതിരോധിക്കുന്നതിനും അറബ് ലീഗിെന്റ പ്രവര്‍ത്തനം ശ്ലാഘനീയമാണെന്നും അദ്ധേഹം കൂട്ടിച്ചേര്‍ത്തു. അറബ് ലീഗിന് ബഹ്‌റൈന്റെ പൂര്‍ണ്ണ പിന്തുണയും ആശംസകളും അദ്ദേഹം അറിയിച്ചു.