കൊച്ചി: ആദര്‍ശ നിഷ്ഠയുടേയും ജീവിത വിശുദ്ധിയുടേയും ആള്‍ രൂപമായിരുന്ന കൊളത്തൂര്‍ ടി.മുഹമ്മദ് മൗലവി അറബി ഭാഷയ്ക്കും അധ്യാപക സമൂഹത്തിനും ചെയ്ത സംഭാവനകള്‍ വിലമതിക്കാനാവാത്തതാണെന്ന് കെ.എ.ടി.എഫ്. സംസ്ഥാന വൈസ് പ്രസിഡന്റ് മാഹിന്‍ ബാഖവി പറഞ്ഞു.
അവകാശ സംരക്ഷണത്തിനും അനീതിക്കുമെതിരെ എന്നും കര്‍മം കൊണ്ടും വാക്കുകൊണ്ടും അടരാടിയ മാതൃക യോഗ്യനായ നേതാവായിരുന്നു കൊളത്തൂര്‍ മൗലവിയെന്നും അദ്ദേഹം പറഞ്ഞു. കേരള അറബിക് ടീച്ചേഴ്‌സ് ഫെഡറേഷന്‍ എറണാകുളം ജില്ലാ കമ്മിറ്റി സംഘടിപ്പിച്ച കൊളത്തൂര്‍ അനുസ്മരണവും ജില്ലാ കൗണ്‍സില്‍ മീറ്റും ഉദ്ഘാടനം ചെയ്യുകയായിരുന്നു അദ്ദേഹം.
മാഹിന്‍ ബാഖവി ജില്ലാ ജനറല്‍ സെക്രട്ടറി പദം രാജിവച്ച ഒഴിവില്‍ കെ.എ.ടി.എഫ് ജില്ലാ കമ്മിറ്റി പുന:സംഘടിപ്പിച്ചു. ഇ.എം അസീസ് (പ്രസിഡന്റ്) സി.എസ് സിദ്ദീഖ് (ജനറല്‍ സെക്രട്ടറി) അബ്ദുസലാം ഇസ്ലാഹി (ട്രഷറര്‍) ഷംസുദ്ദീന്‍ ഫാറൂഖി, എം.എം നാസര്‍, ഷമീര്‍ പുതുപ്പാടി, യൂനുസ് വെണ്ണല, അലി പുല്ലേപ്പടി, സീനത്ത് പല്ലാരിമംഗലം (വൈസ് പ്രസിഡന്റ്) അന്‍സാര്‍ തൃപ്പൂണിത്തുറ, കബീര്‍ മൂവാറ്റുപുഴ, ഹുസൈന്‍ ആലുവ, മുഹമ്മദ് സാലിം ,സുബൈര്‍ പി.എം, ജുമൈല മൂവാറ്റുപുഴ (സെക്രട്ടറി) എന്നിവരെ പുതിയ ഭാരവാഹികളായി തെരഞ്ഞെടുത്തു.
ജില്ലയിലെ മുഴുവന്‍ അറബി അധ്യാപകര്‍ക്കും ഐ.ടി. വിങ്ങിന്റെ നേതൃത്വത്തില്‍ പ്രത്യേകം തയ്യാറാക്കിയ മൊഡ്യൂളിന്റെ അടിസ്ഥാനത്തില്‍ 16, 17,18,19 തിയതികളില്‍ പെരുമ്പാവൂരും എറണാകുളത്തും വച്ച് കമ്പ്യൂട്ടര്‍ പരിശീലനം നല്‍കുവാനും 20ന് ജില്ലാ തല എക്‌സിക്യൂട്ടീവ് ക്യാംപ് പെരുമ്പാവൂരില്‍വച്ച് നടത്തുവാനും തീരുമാനിച്ചു.സി.എസ് സിദ്ദീഖിന്റെ അധ്യക്ഷതയില്‍ ചേര്‍ന്ന യോഗം കെ.എ.ടി.എഫ് സംസ്ഥാന വൈസ് പ്രസിഡന്റ് മാഹിന്‍ ബാഖവി ഉദ്ഘാടനം ചെയ്തു. ഇ.എം അസീസ്, അബ്ദുസലാം ഇസ്ലാഹി, എം.എം നാസര്‍, ഷംസുദ്ദീന്‍ ഫാറൂഖി, ഷമീര്‍ പുതുപ്പാടി, കബീര്‍ മൂവ്വാറ്റുപുഴ, റൈഹാനത്ത്, റംസി സംസാരിച്ചു.