കോതമംഗലം: ആദിവാസി യുവാവിന്റെ മരണം കൊലപാതകമെന്ന പരാതിയുമായി ബന്ധുക്കള്‍. കുട്ടംമ്പുഴ പഞ്ചായത്തിലെ പിണവൂര്‍ കുടി ആദിവാസി കുടിയിലെ വെളിയത്തു പറമ്പില്‍ ഓലിക്കല്‍മോഹനന്റെ മകന്‍ അരവിന്ദ് (24)ന്റെ മരണം കൊലപാതമാണന്ന് സംശയമുയര്‍ന്നിട്ടുള്ളത്.ഇക്കഴിഞ്ഞ 26നാണ് വീട്ടില്‍ നിന്നും അര കിലോമീറ്റര്‍ അകലെ മറ്റൊരു വീടിന്റെ പുരയിടത്തിലെ മരത്തില്‍ തൂങ്ങി മരിച്ച നിലയില്‍ കാണപ്പെട്ടത്. അരവിന്ദ് സാരി ഉപയോഗിച്ച് തൂങ്ങി മരിച്ചതായിട്ടാണ് കുട്ടംമ്പുഴ പൊലിസ് കേസെടുത്തിട്ടുള്ളത്. വാരിയില്‍ തൂങ്ങി നിന്ന ഇയാളെ രക്ഷപ്പെടുത്തുവാന്‍ താഴെ ഇറക്കിയതായാണ് വീട്ടുകാര്‍ പൊലിസിന് നല്‍കിയ മൊഴിയില്‍ പറയുന്നത്. എന്നാല്‍ ഇത് ആസൂത്രിത കൊലപാതകമാണെന്നും സാഹചര്യ തെളിവുകള്‍ ആ ദിശയിലേക്കാണ് വിരല്‍ ചൂണ്ടുന്നതെന്നും വീട്ടുകാര്‍ പറയുന്നു.