പെരിന്തല്‍മണ്ണ: പെരിന്തല്‍മണ്ണയിലെ നഗരസഭയുടെ ബസ് സ്റ്റാന്‍ഡ് നിര്‍മാണം എങ്ങുമെത്തിയില്ല. ബസ് സ്റ്റാന്‍ഡിനായി 3.25 ഏക്കര്‍ സ്ഥലം ജനങ്ങള്‍ നഗരസഭക്ക് സൗജന്യമായി വിട്ടുനല്‍കിയിരുന്നു. ബസ് സ്റ്റാന്‍ഡ് ഷോപ്പിംഗ് കോംപ്ലക്‌സിനായി 10.21 കോടി രൂപ ചെലവഴിച്ചാണ് പുതിയ ബസ് സ്റ്റാന്‍ഡ് നിര്‍മിക്കുന്നത്.
ഇതിന്റെ തറക്കല്ലിടല്‍ കര്‍മം ത്രിതല പഞ്ചായത്ത് തെരഞ്ഞെടുപ്പിന് മുന്‍പ് നടത്തിയിരുന്നു. എന്നാല്‍ ചില സ്വകാര്യ വ്യക്തികളുടെ ഇടപെടല്‍ മൂലം നിര്‍മാണ പ്രവൃത്തി വൈകി. പത്തുവര്‍ഷത്തോളമായി പെരിന്തല്‍മണ്ണയില്‍ ബസ് സ്റ്റാന്‍ഡില്ലാത്തതിനാല്‍ സാധാരണക്കാരായ യാത്രക്കാര്‍ ദുരിതത്തിലാണ്.
എന്നാല്‍ തറയില്‍ ബസ് സ്റ്റാന്‍ഡും മാനത്തുമംഗലം ബൈപ്പാസിലെ ബസ് സ്റ്റാന്‍ഡും ഇപ്പോള്‍ മറ്റു ആവശ്യങ്ങള്‍ക്കാണ് ഉപയോഗിക്കുന്നത്.
നിലവില്‍ നിര്‍മിക്കുന്ന ബസ് സ്റ്റാന്‍ഡില്‍ 50 ബസുകള്‍ക്ക് പാര്‍ക്കിംഗ് സൗകര്യവും 32 ടോയ്‌ലറ്റുകളും കാത്തിരിപ്പ് കേന്ദ്രവും ഓട്ടോപാര്‍ക്കിംഗ് സൗകര്യവും കടമുറികളുമെല്ലാം ഉണ്ട@ാകുമെന്നാണ് നഗരസഭയുടെ വാദം. അര്‍ബണ്‍ ബാങ്ക് പത്തുകോടി രൂപ വായ്പ നല്‍കിയാണ് നിര്‍മാണ പ്രവൃത്തിക്ക് നഗരസഭ മുന്നിട്ടിറങ്ങിയിരിക്കുന്നത്.
എന്നാല്‍ സാധാരണക്കാരായ ജനങ്ങള്‍ ഭൂമി വിട്ടുനല്‍കിയെങ്കിലും നിര്‍മാണ പ്രവൃത്തി നടത്താത്തത് ഭൂമി വിട്ടുനല്‍കിയവരോടുള്ള അനീതിയാണെന്ന് നാട്ടുകാര്‍ പരാതിപ്പെടുന്നു. നഗരമധ്യത്തിലെ ബസ് സ്റ്റാന്‍ഡ് ഇല്ലാതാക്കി മണ്ണാര്‍ക്കാട് റോഡില്‍ പണിത ബസ് സ്റ്റാന്‍ഡ് ദീര്‍ഘ കാഴ്ചപ്പാടില്ലാത്തതിനാലായതിനാല്‍ ഇപ്പോള്‍ നോക്കു കുത്തിയായിരിക്കുകയാണ്.
നഗരസഭയുടെ ഇത്തരത്തിലുള്ള ജനവിരുദ്ധ നടപടിക്കെതിരെ പ്രക്ഷോഭമടക്കമുള്ള സമരപരിപാടികള്‍ നടത്തുമെന്ന് മുസ്‌ലിംലീഗ് കണ്‍വന്‍ഷന്‍ മുന്നറിയിപ്പ് നല്‍കി. ജില്ലാ യൂത്ത് ലീഗ് ജനറല്‍ സെക്രട്ടറി ഉസ്മാന്‍ താമരത്ത് ഉദ്ഘാടനം ചെയ്തു.
പി.കെ.എം തങ്ങള്‍, സി.എം അബ്ദുള്ള, പച്ചീരി ഫാറൂഖ്, എം.അബ്ദുസമദ്, താമരത്ത് ഹംസ, പി.ബഷീര്‍, കെ.മുഹമ്മദ് വാപ്പു, കിഴിശ്ശേരി അബ്ദുള്ള, കാരാടന്‍ നാസര്‍, കെ.പി ഫാറൂഖ്, ഹസ്സന്‍ കരുവാത്ത്, മുസ്തഫ പാക്കത്ത്, അസൈനാര്‍ തേക്കിന്‍കോട് സംസാരിച്ചു.