എടവണ്ണപ്പാറ: വാഴക്കാട് പഞ്ചായത്തിലെ എളമരത്തു പ്രവര്‍ത്തിക്കുന്ന ലൗഷോര്‍ സ്‌പെഷല്‍ സ്‌കൂള്‍ വിദ്യാര്‍ഥികള്‍ക്ക് എളമരം വാട്ട്‌സ്ആപ്പ് കൂട്ടായ്മയുടെ യൂണിഫോം സമ്മാനം.
സ്ഥാപനത്തിലെ വിദ്യാര്‍ഥികള്‍ക്കാവശ്യമായ യൂനിഫോമിനുള്ള പണം കൂട്ടായ്മ സമാഹരിച്ചു നല്‍കി. സ്‌കൂളില്‍ നടന്ന യൂനിഫോം വിതരണത്തിന്റെ ഉദ്ഘാടനം ഇ.ടി മുഹമ്മദ് ബഷീര്‍ എംപി നിര്‍വഹിച്ചു. സാമൂഹ്യ പ്രവര്‍ത്തകന്‍ കെ.ടി സലീമിനു പ്രവാസി എളമരം അസോസിയേഷന്‍ നല്‍കുന്ന പുരസ്‌കാരവും ഇ.ടി സമ്മാനിച്ചു.
പഞ്ചായത്ത് പ്രസിഡന്റ് ഹാജറുമ്മ, വൈസ്പ്രസി. ജൈസല്‍ എളമരം, പി.എ. ജബ്ബാര്‍ഹാജി, പി.എ. അസീസ്, അല്‍ ജമാല്‍ അബ്ദുന്നാസര്‍, സജ്‌ന കാവനൂര്‍, സി.എ. കരീം, പ്രധാനധ്യാപിക ലിസി മാത്യൂ സംസാരിച്ചു.