കാക്കനാട്: എറണാകുളത്തെ എന്‍.ഡി.എ സ്ഥാനാര്‍ഥി അല്‍ഫോണ്‍സ് കണ്ണന്താനം വരണാധികാരിയും ജില്ലാ കലക്ടറുമായ കെ. മുഹമ്മദ് വൈ. സഫീറുള്ളയുടെ മുമ്പാകെ നാമനിര്‍ദേശ പത്രിക സമര്‍പ്പിച്ചു.  ഒരു സെറ്റ് പത്രികയാണ് ഇന്നലെ നല്‍കിയത്. സി.ജി രാജഗോപാലാണ് നാമനിര്‍ദേശകന്‍. സ്വത്ത് തുടങ്ങിയ വിവരങ്ങള്‍ സംബന്ധിച്ച രേഖകളും സമര്‍പ്പിച്ചു.അടുത്ത ദിവസങ്ങളിലായി മൂന്നു സെറ്റ് പത്രികകള്‍ കൂടി നല്‍കും. കാക്കനാട് മുനിസിപ്പല്‍ പാര്‍ക്കിലെ ഗാന്ധി പ്രതിമയില്‍ ഹാരാര്‍പ്പണം നടത്തിയ അല്‍ഫോന്‍സ് കണ്ണന്താനത്തെ ബി.ജെ.പി ജില്ലാപ്രസിഡന്റ് എന്‍.കെ മോഹന്‍ദാസ് ഷാള്‍ അണിയിച്ചു. ഭാര്യ ഷീലയും കണ്ണന്താനത്തിനൊപ്പമുണ്ടായിരുന്നു.