ആനക്കര: ആനക്കര പ്രഥമ മഖാം ഉറൂസിന് തുടക്കമായി ഇനി വിശ്വാസികളുടെ ഒഴുക്ക് തുടങ്ങി. സമസ്ത പ്രസിഡന്റായിരുന്ന ആനക്കര സി. കോയക്കുട്ടി മുസ്‌ലിയാരുടെ ഒന്നാം ചരമ വാര്‍ഷിക ദിനത്തോടനുബന്ധിച്ചാണ് മൂന്ന് ദിവസമായി നടക്കുന്ന സംഘടിപ്പിച്ചിരിക്കുന്നത്.
വെള്ളിയാഴ്ച്ച് വൈകിട്ട് മാണൂര്‍ ദഅ് വാ കോളജ് പ്രിന്‍സിപ്പല്‍ എം.വി ഇസ്മാഈല്‍ മുസ്‌ലിയാര്‍ കുമരനല്ലൂര്‍ പതാക ഉയര്‍ത്തിയതോടെ തുടക്കമായി. തുടര്‍ന്ന് നടന്ന ദുആ മജ്‌ലിസിന് യു.പി മുഹമ്മദ് മുസ്‌ലിയാര്‍ മാത്തൂര്‍ നേതൃത്വം നല്‍കി. നൂറ് കണക്കിനാളുകള്‍ പങ്കെടുത്തു.
22ന് രാവിലെ 9. 30ന് നടക്കുന്ന പണ്ഡിത സദസ് സമസ്ത പ്രസിഡന്റ് ജിഫ്രി തങ്ങള്‍ ഉദ്ഘാടനം ചെയ്യു. ട്രഷറര്‍ സി.കെ.എം സാദീഖ് മുസ്‌ലിയാര്‍  അധ്യക്ഷനാകും.
ഉച്ചയ്ക്ക് 2.30ന് പൂര്‍വ വിദ്യാര്‍ഥി സംഗമം, വൈകിട്ട് 6.30 ആത്മീയ സംഗമത്തില്‍ ചെമ്പലങ്ങാട് മുഹമ്മദ് കുട്ടി മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും. പാണക്കാട് സയ്യിദ് സാദീഖലി ശിഹാബ് തങ്ങള്‍ ഉദ്ഘാടനം ചെയ്യും.
എം.ടി അബ്ദുള്ള മുസ്‌ലിയാര്‍ അധ്യക്ഷനാകും. മന്ത്രി കെ.ടി ജലീല്‍ വിശിഷ്ടാഥിതിയായിരിക്കും. എസ്.വൈ.എസ് വര്‍ക്കിങ് സെക്രട്ടറി അബ്ദുള്‍ ഹമീദ് ഫൈസി, അബ്ദുല്‍ജലീല്‍ റഹ്മാനി വാണിയന്നൂര്‍ പ്രഭാഷണം നടത്തും.
സി ബഷീര്‍ ഫൈസി ആനക്കര, കെ അബ്ദുല്‍ഖാദിര്‍ ഫൈസി തലക്കശ്ശേരി, എ.വി ചേക്കു ഹാജി, കെ.പി കുഞ്ഞാപ്പ ഹാജി, കെ.വി സലാം ഹാജി സംബന്ധിക്കും.