ബാലരാമപുരം: ലോക പുസ്തകദിനാഘോഷങ്ങളുടെ ഭാഗമായി കുട്ടികളുടെ കൂട്ടായ്മയായ അക്ഷരത്തുമ്പികളുടെ നേതൃത്വത്തില്‍ വായനക്കൂട്ടത്തിന് തുടക്കമായി. ഒരാഴ്ചത്തെ പരിപാടികളാണ് സംഘടിപ്പിച്ചിരിക്കുന്നത്. ബാലരാമപുരം വടക്കേവിളയില്‍ അക്ഷതത്തുമ്പികള്‍ കാമ്പസില്‍ കഴിഞ്ഞദിവസം വായനയ്‌ക്കൊരു ഇടം ഒരുക്കി. കുട്ടികള്‍ക്കുളള വിവിധ പ്രസിദ്ധീകരണങ്ങളും ബാലസാഹിത്യ ഗ്രന്ഥങ്ങളും വര്‍ത്തമാന പത്രങ്ങളും ഇവിടെ കുട്ടികള്‍ക്ക് വായിക്കാം. കഥയും കവിതയും എഴുതാനും അവതരിപ്പിക്കാനുമുളള വേദിയും ക്രമീകരിക്കും. വായനാക്കൂട്ടത്തിന്റെ ഉദ്ഘാടനം നേമം ബ്ലോക്ക് പഞ്ചായത്ത് വൈസ് പ്രസിഡന്റ് എസ്.വീരേന്ദ്രകുമാര്‍ നിര്‍വഹിച്ചു.  ബാലതാരം ദേവിശ്രീ , ക്യാംപ് കോര്‍ഡിനേറ്റര്‍ ഗിരീഷ് പരുത്തിമഠം എന്നിവര്‍ പങ്കെടുത്തു.