കാവനൂര്‍: ജില്ലാ പഞ്ചായത്ത് അനുവദിച്ച 48 ലക്ഷം രൂപ കൊണ്ട് നിര്‍മിച്ച പുതിയ കെട്ടിടത്തിന്റെ ഉദ്ഘാടനം നിര്‍വഹിച്ചതോടെ കാവാനൂര്‍ ഹയര്‍ സെക്കന്‍ഡറി സ്‌കൂളിന്റെ കെട്ടിട ക്ഷാമത്തിനു പരിഹാരമായി. 1974 ല്‍ സ്ഥാപിച്ച ഓട് കൊണ്ടുള്ള കെട്ടിടം മാറ്റിയാണ് പുതിയ കെട്ടിടം നിര്‍മിച്ചത്. ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ഉദ്ഘാടനം നിര്‍വഹിച്ചു. ജില്ലാ പഞ്ചായത്ത് സ്‌കൂളിന് അനുവദിച്ച കുടിവെള്ള പദ്ധതി ഉദ്ഘാടനവും പമ്പ് ഹൗസിന്റെ സ്വിച്ച് ഓണ്‍ കര്‍മവും ജില്ലാ പഞ്ചായത്ത് മെമ്പര്‍ ഇസ്മായീല്‍ മൂത്തേടം നിര്‍വഹിച്ചു.
മാപ്പിളപ്പാട്ട് റിയാലിറ്റി ഷോയില്‍ സെമി ഫൈനലിലെത്തിയ സ്‌കൂള്‍ വിദ്യാര്‍ഥി ഫാത്തിമ ഹസനക്ക് അരീക്കോട് ബ്ലോക്ക് പഞ്ചായത്ത് പ്രസിഡന്റ് പി.ലക്ഷമി ഉപഹാരം നല്‍കി. ജില്ലാ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ വി.സുധാകരന്‍, കാവനൂര്‍ ഗ്രാമ പഞ്ചായത്ത് പ്രസിഡന്റ് വിദ്യാവതി, വൈസ് പ്രസിഡന്റ് കെ.അഹമ്മദാജി, ഹെഡ്മിസ്ട്രസ് ലക്ഷ്മി, പി.ടി.എ പ്രസിഡന്റ് എം.പി സൈതലവി മാസ്റ്റര്‍, കെ.പി റംല, ശിവന്‍കുട്ടി, പി.വി ഉസ്മാന്‍, സി. ചന്ദ്രന്‍, കെ.രാമന്‍ കുട്ടി, പി.പി അലിബാപ്പു, പ്രദീപ് കുമാര്‍ പ്രസംഗിച്ചു.