ചാലിയം: വൈക്കം മുഹമ്മദ് ബഷീറിന്റെ ജീവിത ചരിത്രരേഖാ പ്രകാശനം ചാലിയം ഗവ. ഫിഷറീസ് എല്‍.പി സ്‌കൂളിലെ ബഷീര്‍ സ്മാരക വായനശാല ആന്‍ഡ് ലൈബ്രറിയില്‍ കോഴിക്കോട് ബ്ലോക്ക് പഞ്ചായത്തംഗം എന്‍.കെ ബിച്ചിക്കോയ നിര്‍വഹിച്ചു.
ബഷീറിന്റെ ജനനം മുതല്‍ അന്ത്യയാത്ര വരെയുള്ള പ്രധാന സംഭവങ്ങള്‍, കുടുംബം, പുരസ്‌കാരങ്ങള്‍, കൃതികള്‍, പ്രധാന കഥാപാത്രങ്ങള്‍, ബഷീറിയന്‍ വചനങ്ങള്‍, വിളിപ്പേരുകള്‍ തുടങ്ങിയ കാര്യങ്ങള്‍ ജീവിത ചരിത്രരേഖയിലുണ്ട്. സ്‌കൂള്‍ അധ്യാപകന്‍ എ. അബ്ദുല്‍ റഹീമാണ് ജീവിത ചരിത്രരേഖ രചിച്ചത്. പി.ടി.എ വൈ. പ്രസിഡന്റ് വി.സി ആരിഫ് അധ്യക്ഷനായി.
എന്‍.കെ പ്രസൂണ്‍, ചെറു നാലകത്ത് അബ്ദുല്‍ സലാം മുഖ്യാതിഥികളായി. എ. അബ്ദുല്‍ റഹീം അനുസ്മരണ പ്രഭാഷണം നടത്തി. പത്രപ്രവര്‍ത്തകരായ രാജേഷ് മേനോന്‍, കെ. രമേശ്, അധ്യാപകരായ സി. ഷറീന, കെ. വിദ്യ, എ.കെ സിന്ദു, പി.ടി.എ അംഗം കെ.പി ബീവിജ സംസാരിച്ചു.