ഇരിക്കൂര്‍: തെരുവുനായ്ക്കള്‍ പെറ്റുപെരുകുന്നതുകാരണം ഇരിക്കൂറുകാര്‍ക്ക് ഇരിക്കപ്പൊറുതിയില്ലാതെയായി.
അക്രമാസക്തമായ ഇവ റോഡില്‍കൂടി നിന്ന് യാത്രക്കാരെ കടിച്ചുപറിക്കുന്നത് നിത്യസംഭവമാണ്.പുലര്‍കാലെ മദ്‌റസയിലേക്ക് പോകുകയായിരുന്ന നിരവധി കുട്ടികളെ തെരുവുനായ കടിച്ചു പരുക്കേല്‍പ്പിച്ചു.
കഴിഞ്ഞ ഒരാഴ്ചയ്ക്കുള്ളില്‍ ഇരിക്കൂര്‍ ഗ്രാമപഞ്ചായത്തിലെ ഏഴാം വാര്‍ഡായ പട്ടുവത്ത് ഏതാനും വീടുകളില്‍ നിന്നും അന്‍പതോളം വളര്‍ത്തു കോഴികളെ കൂടുകള്‍ തകര്‍ത്ത് നായകള്‍ കടിച്ചു കൊïുപോയി.
ഒരു വീട്ടില്‍ നിന്നും ടര്‍ക്കിക്കോഴികളേയും നായകള്‍ കൊന്നിട്ടു. കഴിഞ്ഞ ദിവസംപുലര്‍ച്ചെ 6.30ന് മദ്‌റസയിലേക്ക് പോവുകയായിരുന്ന രï് കുട്ടികളെ നായക്കൂട്ടം ഓടിച്ച് കടിച്ചുപറിച്ചതായി നാട്ടുകാര്‍ പറഞ്ഞു.
പട്ടുവത്തെ സി.സി അബ്ദുല്‍ സത്താര്‍, കെ.ആര്‍ ആസ്യ, കെ.മുഹമ്മദ് അക്രം, പി.പി രമണി, യു ഉമ്മര്‍ കുട്ടി, അനസ്, നടുക്കïി ഉസൈയിന്‍ ഹാജി, കെ.ടി.മുഹമ്മദ് ഹാജി, കുഞ്ഞിരാമന്‍ തുടങ്ങിയവരുടെയും മറ്റു സമീപത്തെ വീടുകളില്‍ നിന്നെല്ലാമാണ് വളര്‍ത്തു കോഴികളെ കൊന്നത്. തെരുവുനായ്ക്കളെ വന്ധ്യംകരിക്കുന്നതിനുള്ള തദ്ദേശസ്വയം ഭരണ സ്ഥാപനങ്ങളുടെ പദ്ധതി ഇരിക്കൂറില്‍ നടപ്പിലായിട്ടില്ല. പാതയോരത്ത് ഇറച്ചി മാലിന്യമുള്‍പ്പെടെ ഉപേക്ഷിക്കുന്നതാണ് ഇരിക്കൂറില്‍ തെരുവുനായ ശല്യം രൂക്ഷമാവാന്‍ കാരണമെന്ന് നാട്ടുകാര്‍ പറഞ്ഞു.