പാറ്റ്‌ന: ബിഹാറില്‍ കഴിഞ്ഞ രണ്ടു ദിവസങ്ങളായി തുടരുന്ന കനത്ത മഴയിലും ഇടിമിന്നലിലും 83 പേര്‍ മരിച്ചതായി ദുരന്തനിവാരണ വിഭാഗം അറിയിച്ചു.
വിവിധ സംഭവങ്ങളിലായി നിരവധി പേര്‍ക്കു പരുക്കേല്‍ക്കുകയും കെട്ടിടങ്ങള്‍ക്കടക്കം നാശനഷ്ടമുണ്ടാകുകയും ചെയ്തിട്ടുണ്ട്.
മരണപ്പെട്ടവരുടെ കുടുംബങ്ങള്‍ക്കു സര്‍ക്കാര്‍ നാലു ലക്ഷം രൂപ നഷ്ടപരിഹാരം പ്രഖ്യാപിച്ചിട്ടുണ്ട്. അടുത്ത ദിവസങ്ങളിലും കനത്ത മഴ തുടരുമെന്നാണ് കാലാവസ്ഥാ വകുപ്പ് വ്യക്തമാക്കുന്നത്.