കോഴിക്കോട്: വിനയവും ഉദാരതയും വ്യക്തിമുദ്രയായി സ്വീകരിച്ച മഹത് വ്യക്തിത്തമായിരുന്നു മെട്രോ മുഹമ്മദ് ഹാജി എന്ന് സയ്യിദ് ഹൈദരലി ശിഹാബ് തങ്ങള്‍ പ്രസ്താവിച്ചു. സാമൂഹിക, വിദ്യാഭ്യാസ, പ്രസ്ഥാനിക മേഖലകളെ കാലവറയില്ലാതെ പിന്തുണച്ച അദ്ദേഹം ഏത് നല്ല പദ്ധതികളെയും നിര്‍ലോഭം സഹായിക്കുന്നതില്‍ മികച്ച മാതൃക കൂടിയായിരുന്നു.
സുന്നി യുവജന സംഘം സംസ്ഥാന കമ്മിറ്റി സംഘടിപ്പിച്ച മെട്രോ അനുസ്മരണം ഉദ്ഘാടനം ചെയ്തു സംസാരിക്കു കയായിരുന്നു തങ്ങള്‍. ഖത്മുല്‍ ഖുര്‍ആന്‍ പ്രാര്‍ഥനയും അദ്ദേഹം നിര്‍വഹിച്ചു. എസ്.വൈ.എസ് സംസ്ഥാന വൈസ് പ്രസിഡന്റ് സയ്യിദ് സാദിഖ് അലി ശിഹാബ് തങ്ങള്‍ അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി സമാപന പ്രാര്‍ഥന നിര്‍വഹിച്ചു. എസ്.വൈ.എസ് സംസ്ഥാന വര്‍കിങ് സെക്രട്ടറി അബ്ദുല്‍ ഹമീദ് ഫൈസി അമ്പലക്കടവ് ആമുഖ പ്രഭാഷണവും അബ്ദുസ്സമദ് പൂക്കോട്ടൂര്‍ അനുസ്മരണവും നടത്തി. മുസ്തഫ മുണ്ടുപാറ, ഹംസ റഹ്മാനി കൊണ്ടിപ്പറമ്പ്, സലീം എടക്കര സംസാരിച്ചു.
സുപ്രഭാതം വെബ് പേജില്‍ തത്സമയം നിരീക്ഷിക്കുവാന്‍ സൗകര്യമൊരുക്കിയ പരിപാടിയില്‍ വിദേശ രാജ്യങ്ങളില്‍ നിന്നടക്കം ആയിരങ്ങള്‍ പങ്കാളികളായി.