തൃക്കരിപ്പൂര്‍: രാജ്യത്തെ മുസ്‌ലിംകള്‍ സമാധാനത്തിന് ആഗ്രഹിക്കുന്നവരും അതിന് വേണ്ടി കഠിനാധ്വാനം ചെയ്യുന്നവരുമാണെന്ന് ഓള്‍ ഇന്ത്യാ അഹ്‌ലേ ഹദീസ് പണ്ഡിതന്‍ മുഹമ്മദ് ശാഖിബ് അസ്സലഫി പറഞ്ഞു.
ഐ.എസ്.എം സന്ദേശ പ്രചാരണയാത്ര തൃക്കരിപ്പൂരില്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഇന്ത്യയിലെ പ്രബല ന്യൂനപക്ഷമായ മുസ്‌ലിംകളെ വിശ്വാസത്തിലെടുക്കാതിരിക്കുന്നത് മതനിരപേക്ഷതക്ക് അപമാനമാണെന്നും അദ്ദേഹം പറഞ്ഞു. ഐ.എസ്.എം സംസ്ഥാന പ്രസിഡന്റ് എ.ഐ അബ്ദുല്‍ മജീദ് സ്വലാഹി അധ്യക്ഷനായി. സന്ദേശ യാത്ര 30ന് പട്ടാമ്പിയില്‍ സമാപിക്കും.