കൊച്ചി: നടി ഷംന കാസിമിമെ ബ്ലാക്ക് മെയില്‍ ചെയ്ത് പണം തട്ടാന്‍ ശ്രമിച്ച കേസില്‍ നാലാം പ്രതി കീഴടങ്ങി. അബ്ദുല്‍ സലാമാണ് എറണാകുളം ജില്ലാ സെക്ഷന്‍സ് കോടതിയില്‍ അഭിഭാഷകനൊപ്പം കീഴടങ്ങിയത്.

കേസില്‍ മറ്റ് നാല് പ്രതികളെ പൊലിസ് നേരത്തെ അറസ്റ്റ് ചെയ്തിരുന്നു. അതേ സമയം കൂടുതല്‍ പേര്‍ പരാതിയുമായി രംഗത്തെത്തിയ സാഹചര്യത്തില്‍ പ്രതികളുടെ എണ്ണം കൂടുമെന്ന് പൊലിസ് പറഞ്ഞു. അറസ്റ്റിലായ റഫീഖ്, രമേശ്, ശരത്ത്, അഷ്‌റഫ് എന്നിവരെ മരട് ജുഡീഷല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി ജൂലൈ ഏഴു വരെ റിമാന്‍ഡ് ചെയ്തിരുന്നു.

ഷംന കാസിമിന്റെ പരാതി പുറത്തുവന്നതിന് പിന്നാലെ യുവമോഡല്‍ അടക്കമുള്ളവര്‍ പരാതിയുമായി വീണ്ടും രംഗത്തെത്തിയിരുന്നു.ഈ രണ്ട് കേസുകളിലുമായി പത്ത് പ്രതികളാണുള്ളതെന്നാണ് പൊലീസിന്റെ പ്രാഥമികനിഗമനം. ഇതില്‍ ഒരാളാണ് ഇപ്പോള്‍
കോടതിയില്‍ കീഴടങ്ങിയിരിക്കുന്നത്. കേസില്‍ മുഖ്യപ്രതികള്‍ ഇനിയും കീഴടങ്ങാനുണ്ട്.

ഏഴംഗ സംഘത്തിലെ നാലുപേരാണ് ഇതുവരെ പിടിയിലായത്. തട്ടിപ്പിന്റെ വ്യാപ്തി കണക്കിലെടുത്ത് തൃക്കാക്കര എസിപിയുടെ നേതൃത്വത്തില്‍ പ്രത്യേക അന്വേഷണസംഘത്തെയാണ് രൂപീകരിച്ചത്. സംഘത്തില്‍ ഏഴ് പേര്‍ ഉളളതായി പൊലീസ് കണ്ടെത്തിയിരുന്നു. പിടിയിലാകാനുളള ബാക്കി മൂന്ന് പേര്‍ക്കായി അന്വേഷണം വ്യാപിപ്പിച്ചിട്ടുണ്ട്.