ബാങ്കോക്ക്: വന്ധ്യതാ ക്ലിനിക്കിലേക്ക് ബീജക്കടത്ത് നടത്തിയയാളെ തായ്‌ലന്റില്‍ പൊലിസ് അറസ്റ്റ് ചെയ്തു. നൈട്രജന്‍ ടാങ്കില്‍ സൂക്ഷിച്ച ആറു വയല്‍ ശുക്ലം ഇയാളുടെ ബാഗില്‍ നിന്ന് കണ്ടെടുത്തതായി പൊലിസ് പറഞ്ഞു.
വടക്കന്‍ തായ്‌ലന്റിലെ നഗരമായ നോന്‍ഗ് ഖായിലാണ് സംഭവം. ലാവോസിന്റെ തലസ്ഥാനമായ വിയന്റിയനിലേക്ക് കടത്തുകയായിരുന്നു ഇതെന്ന് പ്രതി കുറ്റസമ്മതം നടത്തി. തായ്‌ലന്റിലും കംബോഡിയയിലും വാടക ഗര്‍ഭധാരണം നിരോധിച്ചതിനാല്‍ ലാവോസില്‍ ഇതുമായി ബന്ധപ്പെട്ട മാഫിയ സജീവമാണ്. ചൈനീസ്,വിയറ്റ്‌നാം പൗരന്മാരില്‍ നിന്നാണ് യുവാവ് ശുക്ലം ശേഖരിച്ചത്. അറസ്റ്റിലായ ആള്‍ തായ്‌ലന്റ് പൗരനാണ്.