കൊപ്പം: സംസ്ഥാനത്തെ ശുദ്ധജല സ്രോതസ്സുകള്‍ സംരക്ഷിക്കാനുള്ള എല്ലാ നടപടികളും സര്‍ക്കാര്‍ ഭാഗത്തുനിന്നുണ്ടാകുമെന്നും പൊതുജന പങ്കാളിത്തത്തോടെ ജലസരംക്ഷണം നടത്തുമെന്നും മന്ത്രി മാത്യു ടി തോമസ് പറഞ്ഞു.
പൊതുവിപണിയില്‍ വന്‍ വിലയ്ക്കു വില്‍ക്കപ്പെടുന്ന ശുദ്ധജലം സര്‍ക്കാര്‍ കുറഞ്ഞ നിരക്കില്‍ സാധരണക്കാരിലേക്ക് എത്തിക്കുമ്പോള്‍ വില കുറച്ചു കാണരുതെന്നും മന്ത്രി പറഞ്ഞു. കൊപ്പം വിളയൂര്‍ പഞ്ചായത്തുകളിലെ സമഗ്ര ശുദ്ധജല വിതരണ പദ്ധതിയുടെ നിര്‍മാണോദ്ഘാടനം നിര്‍വഹിക്കുകയായിരുന്നു അദ്ദേഹം. മുഹമ്മദ് മുഹസിന്‍ എം.എല്‍.എ അധ്യക്ഷനായി. ബ്ലോക്ക് പഞ്ചായത്ത് പ്രസിഡന്റ് വി.എം.മുഹമ്മദലി മാസ്റ്റര്‍, വിളയൂര്‍ പഞ്ചായത്ത് പ്രസിഡന്റ് കെ.മുരളി, കൊപ്പം പഞ്ചായത്ത് പ്രസിഡന്റ് പി.സുമിത, ജനപ്രതിനിധികളായ എ സാബിറ ടീച്ചര്‍, പി.പി ഇന്ദിരാദേവി, വി.മുരുകദാസ്, കെ.കൃഷ്ണകുമാരി, കെ.സി.ഗോപാലകൃഷ്ണന്‍, രമണി മോഹനന്‍, ഷബ്‌ന ഷുക്കൂര്‍, കെ.ടി.രാജി പ്രസംഗിച്ചു.
കെ.കൃഷ്ണന്‍കുട്ടി, എന്‍.പി.വിനയകുമാര്‍, യു.കെ.ഗോപിനാഥ്, ഇ.പി.ശങ്കരന്‍, കെ.ആര്‍.ഗോപിനാഥ്, എ.ഹരിദാസ്, എന്‍.പി.ഹരിദാസ്, കെ.ടി.മൊയ്തീന്‍കുട്ടി, എം.എസ്.ബേബി, ബാബു, ടി.രവീന്ദ്രന്‍ പങ്കെടുത്തു.