പുത്തനത്താണി : പുത്തനത്താണിക്കടുത്ത് ദേശീയപാത ചുങ്കത്ത് മൂന്ന് വാഹനങ്ങള്‍ ഒരേ സമയം അപകടത്തില്‍പ്പെട്ടു. ബസ്, കാര്‍, എക്‌സവേറ്റര്‍ എന്നീ മൂന്ന് വാഹനങ്ങളാണ്  അപകടത്തില്‍ പെട്ടത്. കോട്ടക്കലില്‍ നിന്നും കാടാമ്പുഴയിലേക്ക് പോകുകയായിരുന്ന സ്വകാര്യ ബസും ഇതേ റൂട്ടില്‍ പോവുകയായിരുന്ന കാറും തമ്മില്‍ കൂട്ടിയിടിക്കുകയും നിയന്ത്രണം വിട്ട് ബസ് പുത്തനത്താണി ഭാഗത്തേക്ക് വരികയായിരുന്ന എക്‌സവേറ്ററില്‍ ഇടിക്കുകയായിരുന്നു.  ഇടിയുടെ ആഘാതത്തില്‍ ബസിുന്റ പിന്‍ഭാഗം പാതയോരത്തെ മരത്തില്‍ തട്ടി നിന്നതിനാല്‍ വന്‍ദുരന്തം ഒഴിവായി. ബസിലെ യാത്രക്കാരില്‍ ചിലര്‍ക്ക് നിസാര പരുക്കേറ്റു.