മുംബൈ: മഹാരാഷ്ട്രയിലും കൊങ്കണ്‍ പ്രദേശങ്ങളിലും കനത്ത മഴ സാധാരണ ജീവിതത്തെ ദുരിതത്തിലാക്കി. 

മുംബൈയുടെ വിവിധ പ്രദേശങ്ങളില്‍ മഴ തുടരുകയാണ്. കല്യാണ്‍, ബോറിവാലി, താനെ തുടങ്ങി നഗരത്തിന്റെ വിവിധ ഭാഗങ്ങള്‍ വെള്ളക്കെട്ടുകള്‍ നിറഞ്ഞു. കല്യാണ്‍ റെയില്‍വേ സ്‌റ്റേഷനില്‍ വെള്ളം കയറിയതിനെ തുടര്‍ന്ന് ട്രെയിന്‍ ഗതാഗതം തടസപ്പെട്ടു. അടുത്ത അഞ്ചു ദിവസങ്ങളില്‍ മുംബൈയില്‍ മഴ തുടരുമെന്നാണ് കാലാവസ്ഥ പ്രവചനം.