ന്യൂഡല്‍ഹി: 46 വര്‍ഷത്തിനിടെ ഡല്‍ഹി ജവഹര്‍ലാല്‍ നെഹ്‌റു സര്‍വകലാശാലയിലെ (ജെ.എന്‍.യു) ആദ്യ ബിരുദദാന ചടങ്ങ് ഇന്ന്. 1969ല്‍ സ്ഥാപിച്ച ഈ സര്‍വകലാശാലയില്‍ നടക്കുന്ന രണ്ടാമത്തെ പരിപാടിയാണ് ഇതെന്ന പ്രത്യേകതയും ഇന്നത്തെ ബിരുദദാന ചടങ്ങിനുണ്ട്. ഈവര്‍ഷം ജൂണ്‍ 30നു മുമ്പ് ഗവേഷണം പൂര്‍ത്തിയാക്കിയ വിദ്യാര്‍ഥികള്‍ക്കുള്ള ബിരുദദാനമാണ് ഇന്നു നടക്കുകയെന്ന് സര്‍വകലാശാല അറിയിച്ചു.സ്ഥാപനം തുടങ്ങി മൂന്നുവര്‍ഷം പിന്നിട്ട 1972ലാണ് ആദ്യ ബിരുദദാന ചടങ്ങ് നടന്നത്. എന്നാല്‍, ജെ.എന്‍.യുവിന്റെ ബിരുദദാന ചടങ്ങിലെ മുഖ്യാതിഥിയുടെ പേര് സര്‍വകലാശാല പുറത്തുവിട്ടിട്ടില്ല.