ബാഴ്‌സലോണ: മാഞ്ചസ്റ്റര്‍ സിറ്റി താരം സെര്‍ജിയോ അഗ്യൂറോയുടെ ശസ്ത്രക്രിയ വിജയകരമായി പൂര്‍ത്തിയായി. താരത്തിന്റെ മുട്ടിനേറ്റ പരുക്കിനാണ് ശസ്ത്രക്രിയ ചെയ്തത്. നേരത്തെ തന്നെ താരത്തിന്റെ കാല്‍മുട്ടിന് ചെറിയ പരുക്ക് അലട്ടിയിരുന്നു. ഇവിടെയാണ് വീണ്ടും പരുക്കേറ്റത്. 

ബാഴ്‌സലോണയിലുള്ള അദ്ദേഹം ശസ്ത്രക്രിയ വിജയകരമായി പൂര്‍ത്തിയാക്കിയതായി ക്ലബ് അറിയിച്ചു. താന്‍ ഉടന്‍ തിരിച്ചെത്തുമെന്നും അഗ്യൂറോ പറഞ്ഞു. ഈ സീസണില്‍ അഗ്യൂറോ ഇനി കളിക്കാന്‍ സാധ്യതയില്ല എന്നാണ് സൂചന.  രണ്ട് മാസമെങ്കിലും വിശ്രമം വേണ്ടിവരും. ബേണ്‍ലിക്ക് എതിരായ മത്സരത്തിലായിരുന്നു അഗ്യൂറോക്ക് പരുക്കേറ്റത്.