കൊച്ചി: ലോക്‌സഭാ തെരഞ്ഞെടുപ്പില്‍ സീറ്റ് നിഷേധിച്ചപ്പോഴുണ്ടായ വിഷാദരോഗത്തെ മറികടന്നത് സംഗീതംകൊണ്ടെന്ന് കെ.വി തോമസ് എം.പി. കെ.ജെ യേശുദാസും തൃപ്പൂണിത്തുറ പൂര്‍ണത്രയീശ സംഗീതസഭയും ചേര്‍ന്ന് ഏര്‍പ്പെടുത്തിയ അഗസ്റ്റിന്‍ ജോസഫ് സ്മാരക പുരസ്‌കാരത്തിന്റെ സില്‍വര്‍ ജൂബിലി ആഘോഷങ്ങളുടെ ഉദ്ഘാടനം നിര്‍വഹിക്കുകയായിരുന്നു അദ്ദേഹം. സീറ്റ് നിഷേധിച്ചതറിഞ്ഞ് താന്‍ തളര്‍ന്നുപോയി.
സഹായികളിലൊരാളോട് ഒരു ഗാനം പ്ലേ ചെയ്യാന്‍ പറഞ്ഞു. 'കര്‍ത്താവേ യേശുനാഥാ' എന്ന ക്രിസ്ത്യന്‍ ഗാനമാണ് അദ്ദേഹം പ്ലേ ചെയ്തതെന്നും അദ്ദേഹം പറഞ്ഞു.