കണിയാമ്പറ്റ: ഗ്രാമ പഞ്ചായത്ത് 2016-17 വാര്‍ഷിക പദ്ധതിയിലുള്‍പ്പെടുത്തി പഞ്ചായത്തിലെ 10,11,12 വാര്‍ഡുകളില്‍ നടപ്പാക്കിയ വിവിധ പദ്ധതികളുടെ ഉദ്ഘാടനം ഇന്ന് വൈകിട്ട് നാലിന് പഞ്ചായത്ത് പ്രസിഡന്റ് കടവന്‍ ഹംസ നിര്‍വഹിക്കും. അരിവാരം അങ്കണ്‍വാടി കെട്ടിടം, പഞ്ചായത്തിലെ വിവിധ റോഡുകളുടെ ഉദ്ഘാടന പദ്ധതികള്‍ നാടിന് സമര്‍പ്പിക്കും.
 ചടങ്ങില്‍ താമരകൊല്ലി അങ്കണ്‍വാടി നിര്‍മ്മാണത്തിനും പട്ടിക ജാതി യുവാക്കള്‍ക്കുള്ള തൊഴില്‍ പരിശീലന കേന്ദ്രം നിര്‍മ്മിക്കുന്നതിനുമായി ഏറ്റെടുത്ത ഭൂമിയുടെ രേഖ കൈമാറ്റവും സര്‍വിസില്‍ നിന്നും വിരമിക്കുന്ന പഞ്ചായത്ത് സെക്രട്ടറി പി ഇബ്‌റാഹിമിന് ഉപഹാര സമര്‍പ്പണവും നടക്കും.