തിരൂരങ്ങാടി: റമദാന്‍ വാര്‍ഷികാവധിക്കു ശേഷം ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിക്കു കീഴിലുള്ള മുഴുവന്‍ സെക്കന്‍ഡറി, സീനിയര്‍ സെക്കന്‍ഡറി, ഡിഗ്രി സ്ഥാപനങ്ങളും 17ന് ഞയറാഴ്ച രാവിലെ തുറക്കും. പുതുതായി പി.ജിയിലേക്ക് പ്രവേശനം ലഭിച്ച വിദ്യാര്‍ഥികളും രണ്ടാം വര്‍ഷ വിദ്യാര്‍ഥികളും 18ന് തിങ്കളാഴ്ച രാവിലെ അക്കാദമിക് ഓഫിസിലെത്തി അഡ്മിഷന്‍ എടുക്കേണ്ടതാണ്. 23ന് പി.ജി ക്ലാസുകള്‍ ആരംഭിക്കും. മമ്പുറം ഹിഫ്‌ള് കോളജും 17ന് രാവിലെ തുറക്കും. സെക്കന്‍ഡറി ഒന്നാം തരത്തിലേക്ക് പുതുതായി പ്രവേശനം ലഭിക്കുന്ന വിദ്യാര്‍ഥികള്‍ക്ക് ജൂലൈ 27നാണ് ക്ലാസുകള്‍ ആരംഭിക്കുക. ദാറുല്‍ഹുദാ യു.ജി സ്ഥാപന അധ്യാപകര്‍ക്കായി നടത്തുന്ന ടീച്ചേഴ്‌സ് ട്രെയിനിങ് ക്യാംപ് ഇന്ന് വൈകിട്ട് വാഴ്‌സിറ്റിയില്‍ ആരംഭിക്കും.